السلام عليكم خواتي
انا عندي مشكلة في عمل العشا ما أعرف شو اسوي فشو رايكم كل وحدة تكتب بعض الأطباق اللي نقدر انسويها في العشا و إذا ممكن مقاديرهم
وييييييييييييينكم
اترييييااااااااااااااااااااااكم
اوكي ييبي لبنه قشري خيار وقطعيه صغير وخلطيه فاللبنه وشوية فلفل اسود
سوي لوبيا وماش تلقينهن بالجمعيات شرات العدس تاخذينهن بقراطيس واذ ماعرفتي الطريقه بقولج كيف تسوينيهن وقلي بطاطس سواء الجاهزه المقطعه او بطاطس نودجلز او غيرها تلقين وايد وصفات بالنت
ويوم ثاني سوي دياي ناشف يكون مقطع وعلى ماظن شي له طريقة بالمنتدى +بطاطس+خبز جباتي+فول الخلطه السريه وايد حلو+حمص +فتوش او تبوله اختاري واحد من الاثنين عسب تقدرين تسوين واحد منهم بيوم ثاني
ربيات سيه ناشف او مقرمش تاكلينه جيه +بازلاء+جبن كيري مع العسل+لبنه+سندويجات فلافل تقدرين اطرشين حبات فالافل من الكفتيريا وتسوين السندويجات فالبيت
واذ بعد تبين انا بالخدمه حلو انه يكون خفيف ومب وايد اتكثرين من الاطباق لانه حرام محد بياكل من كل شي وعسب تعرفين شو تسوين باليوم الثاني
امممممممممممممم سوي معكرونه معاها سلطة بالجبن
وفطاير نوعي فيها
وبشاميل او دياي مقلي مع كوشري امممممممممم اشتري نكتس وكرات الحم من الجمعيه وسوي سلطة فتوش
وسوي مع كرات اللحم صلصه حمره مع الخبز او العيش امممممممممممممممم
او ساعات بيض وطماط
او ساعات سوي عيش وصالونه دياي او لحم اي شي هي صح البتزا بعد لاتنسينها انشالله اكون فدتج
اممممممممم
سوي دياي كنتاكي مع سلطه وسوربه وخبز
او سندويشات فلافل
او عيش ابيض ودياي مشوي
عندج بعد الخفايف بيض وفاصوليا وحمص وجبنه البقرات الثلاث مع طماط وفول
عند الباشاميل
او الفطاير
عندج المناقيش بالحم والجبن او بالجبن والزعتر
كشري
ورق عنب ومحاشي
وووو معكرونه بالنقانق
او نقانق مقلي مع بطاطس
عندج بعد سندويشات تونه او دياي بالتوست
وووايد اشيا
هذا الي نحن دام انسويه عشا
وبالعافيه
انا ما اتعشى انام خفيفة
هههههههههههه
تحياتي لك
مشكورات خواتي بصراحة استفد منكم و كتبت قائمة من الأكلات جان في زيادة حطوااا
ثانكس