مرحبا ياحلوات
في خاطري موضوع حبيت اناقشكم فيه
وبصراحة حبيت حد يقنعني لأن واااايدين هزوا ثقتي…
الموضوع الله يسلمكم…انا ملجت من 6 شهور والعرس بعد اربع اشهور …
في بداية الملجة انا كنت فرحانة ومرتاحة واااايد الحمدلله…وريلي انسان ما شاء الله يجمع كل المواصفات اللي كنت اتمناها في زوج المستقبل والحمدلله ….لكن مع مرور الوقت بديت اسمع كلام من اللي حولي من البنات سواء داخل او خارج البيت…
يقولن العرس مب حلو شو الفايدة انتي تخرجتي ودرستي وعمرج 25 سنة ولا انجزتي شيء.. وآخر شيء اتعرسين …المفروض تشتغلين وتثبتين نفسج عقب لاحقة ع العرس…وترى العزابيات مرتاحات…والعرس هم وعيال ونكد…والالتزامات ومسؤوليات… وانتي بتدفنين عمرج بالعرس…واصلا ما بتحسين بطعم الحياة لأن العرس ما منه فايدة غير المشاكل…الله يعينج والله..شوفينا نحن عزابيات ونشتغل وكل وحدة اثبتت نفسها في شغلها وانكد بيزات والحمدلله حياه مريحة….ما فينا ع بلاوي العرس…واصلا عقب ما تعرسين مستحيل تقدرين تثبتين نفسج…
افففففففففففففففف …العرس العرس العرس …تعبت من هالرمسة وصرت والله اخاااااااااف واكررررره العرس…انا دورت ع شغل بس ما صار نصيب …وريلي ما يباني اشتغل عقب العرس يعني شو اسوي.؟؟؟
معقولة يعني العرس لهدرجة مب حلو وبيخليني ادفن عمري؟؟؟
ولازم اكون اشتغل عشان احس اني عشت وانجزت؟؟
وشو يقصدن العرس ما منه فايده؟
دخيلكم خبروني والله طفرت ..صرت احس اني بضيع عمري ورى العرس ولازم اشتغل واكون نفسي
لا تقولون انهن يغارن لا بالعكس وااايدين اتقدموا لهالبنات وهن رفضن..بس ما اعرف ليش هالنظرة التشاؤميه…
دخيلكم ريحوني الله يريحكم
بالعكس حبوبة هذا احسن سن للزواج من توصل البنت لسن 25 وفوق وهذا وجهة نظري لانه خلاص بتكون درست المدرسة والجامعة وعندها شهادة تفيدها في هالزمن والمستقبل بعد وبتكون خلاص قادرة تتحمل مسؤولية الزوج والبيت والعيال ان شاء الله … وامكن ربيعاتج يقوولون هالكلام وبصراحة هم شرات ربيعاتي بعد يقولون العرس بس وناسة في اول كم شهر وعقب خلاص وهذا غلط امكن من القصص اللي سمعوا عنها او شافوها امكن عند ربيعاتهم او الاهل او الجيران … واتعوذي من الشيطان واذكري الله واحمدي انه رزقج بالزوج الصالح وادعي الله انه يوفقج في حياتج الياية ان شاء الله وماعليج من هالكلام كله اللي مامنه فايدة
ما عليج منهن الحياه فيها الحلوه والمره ونصيحه من اختج لا تفتحين اذونج للناس بتعبين في حياتج وبتتعبين كل اللي حوالج
أكيد غيرانات منج
واذا كان الانجاز بالشغل! عيل زوجات الرسول عليه الصلاة والسلام والصحابيات ما انجزوا شي!!
اصلا مافي أحلى عن الاستقرار وراحة البال.. وانج اتكونين اسرة سعيدة اتعينج في المستقبل .. اللي محد يعرفه غير رب العالمين..
والشغل مب كل شي.. مردهم ربيعاتج هاللي يقولون لاحقين عالعرس ونبا نثبت عمارنا .. بيندمن قد شعر راسهن..
خلج واثقة من نفسج واهتمي بعمرج وبريلج .. واثبتي عمرج ووجودج بين اهلج وفي بيتج .. مب لازم في الدوام
الله يوفقج ويسعدج اختي ^__^
لاتثقين بكلامهن
لاتفكرين حبيبتى فى كلام اربيعاتج اذا من الحينه تبين اتفكرين فلان وعلان مابتخلصييييييييييييييييييين ولابتقدرين اتعشين حياااااااااااااتج والحمدالله انتى بنسج اتقولين ريلج ماشاء الله عليييييه من المواصفات الى كنتى تتمنينها لاتسمعين لحد وعيشى حياااااااااتج وماعليج من كلاااااااااااام الناس بالاخير انتى بتتعبيييييييييييييييييييين من التفكير فى كلامهم ومبرررررررررررررررررك مقدما حبيبتى والله يوفقج آميييييييييييييييييييييييين
خلج بعيد عن كلام الغير واتوكلي على الله ولا تكدرين حياتج من الحين واستانسي اختى العزيزة وهذه حياة يديدة انت الاساس فيها والكل يتمنى يجربهاغلا تخافين والله يوفقج الغالية ويستر عليج