السلام عليكم ورحمة الله وبركاته
خواتي الغاليات بغيت طريقة عمل العرسيه حق ست اشخاص ضرووووووووووووري يا بنات … انتظركم لا تردوني …
وعليكم السلام ورحمة الله وبركاته
هاي طريقة الاخت عبق الامارات للعرسيه وإن شاء الله تعيبج
المقادير:
دجاجة
ملح
رشة فلفل أسود
هال (اختياري)
كوبين ارز مغسول زين ومودن في الماي
5 أكواب ماء سلق الدجاج
سمن
الطريقة:
قطعي الدجاج قطع على حسب رغبتج وشلي الجلد وبعدين اغسليها عدل.
اسلقي الدجاج مع اضافة الملح والفلفل الأسود والهال لين ما تلاحظين ان لحم الدجاج طري وبسهولة
ينشل عن العظم..
في قدر مناسب صبي 5 أكواب من ماي الدجاج.
بعدين عندج اختيارين:
– اما انج تشيلين العظام وتردين قطع الدياي في ماء السلق وبعدين تحطين الأرز
-او تحطين قطع الدياي بدون إزالة العظم وتضيفين الارز………طبعا في الحالتين تضيفين الارز بدون الماي اللي ودنتيه فيه.
اتركي الخليط يغلي حتى ينضج الارز ويغلظ وبعدين وطي النار……نار هاااااادية……ويفضل انج تحطين قطعة الحديد العازلة تحت القدر…….غطي القدر بورق الالمنيوم وحطي فوقه الغطاء……..
اول ما يختفي السائل، اضربي الارز بمضراب الهريس (هالعملية متعبة ويفضل ان شخص قوي البنية يقوم بها) وشلي العظام لو حطيتي قطع الدياي بدون تفتيت.
عقب الانتهاء من عملية الضرب، يسكب في صحن مناسب ويدهن بالسمن…
ملاحظة: استخدمي في قياس الأرز وماء سلق الدجاج نفس الكوب
وبالعافية عليكم
مشكوووووووووووووووووووووووووره الغاليه اوراق التوت ^_^
اختي اوراق التوت كفت ووفت
ربي يوفقج ان شاءالله
انا اسويها بقدر السرعة او الضغط ..
احط الماي والدياي بعد ما انظفه واخليه يفور وبعدين اشيل الرغوة واضيف الملح والقرفة والعيش واسكر عليه واخليه على نار هادية لمدة نص سعة الى ساعة على حسب الكمية ..
لكن بسشرط ما تحطين ماي وايد علشان ما تطلع سايلة مثل الشوربة ..واذا نقص الماي صبي فوقه ماي حار ..
وبعدين اضربي بالمضراب .. وبالهنا
تسلم ايدج
موفقه