العباة البحرينية .انتبهن على عماركن ><

الحين بنبدأ بالقصه الاليمه اللي استوتلي بسبه العباه البحرينيه اللي تيي وسيعه واااايد..واللي الحين قااامن البنات يلبسهن بشكل كبير…طول الله بعماركن اليوم كنت رايحه كارفور بوظبي وكنت لابسه عباااتي البحرينيه ….انا ما احب هالعباه بس اليوم قلت بلبسه لانها ساتره اكثر من العباه العاااديه ..المهههههم .خذتلي لفه سريعه وخلصت كل اغراض البيت وانا نازله بروح سيارتي…نزلت بالدرج المتحرك…عديت الاول بسلام والثاني كذلك ويوم وصلت الدرج الثالث ييت ابى انزل ما اقدرت الا الف واجوف عباتي ماسكه فالدري…حااااولت اسحب واسحب واسحب ماااشي فاااايده العباه تلتف وتلتف ليييييييييييييييييين ما خنقتني والناس اللي فالدرج ياين صوبي اللي شال عربه والي شال يهال واللي ….وانا احاااول اسحب واحاول ….لين ما يأست خلاص وانا اقول خلاااااااااااااااااااااااص بموووت ما قدرت اتنفس فجأه صرخت بصوووت عالي ويا السكيورتي ووقف الدرج وانا مخنوووووووووقه بموووت وبسرعه سحب عباااتي …والله يا بنات ان الدنيا صارت سودا فعيني كنت بموووت …فجأه اجوف عبااااااااتي محترررررررررقه كاااااااااامل من تحت بسبه الدرج …الحمد لله اني لابسه شي طويل تحت وسااااتر…وصلت السياره ويلست اطالع رقبتي …المكان اللي خنقتني فيه العبااااه لووووونه احمر ويحررررررق…وبس ما اقووول غير الحمد لله انه انكتبلي عمر يديد

اسمحووولي طولت عليكم بس ابى كل وحده تأخذ الحيطه والحذر من القصه اللي استوووتلي…بناااااااااااات لاتلبسون العباه البحرينيه وانتوا رااايحين السوق …وانتبهوا على عماركم
وكل وحده تطلع مكان تكون لابسه شي طويل وساتر تحت العباه لان الواحد ما يدري شو يستوي