الصكوك الوطنيه

وين مقر ها بالظبط في بوظبي.؟

كيف الاشتراك فيها ..؟

وهل ربحها مضمون ..؟

واللي عندها فكره ياليت تقولي ..؟

اختكم

وبتعرفين كل التفاصيل

كتبي في قوقل الصكوك الوطنيه وبيطلع لج موقعهم..

والربح مش مضمون كل شهر..

انتي وحظج.. بس في ارباح سنويه لكل سنه ياخذها كل المشتركين في صكوك..

هم ياخذون البيزات ويستثمرونها بس لاغير

ومافيها خسارة

عسب جذي اتعامل معاهم

ونسبة الربح تتراوح شرات البنوك قصوا عن الناس يوم الاكتتاب قالوا 20 %
وهم يقصدون به اجمالي المبلغ الي بيظهرون حق كل الناس يعني كل واحد بيظهر له مابين 3% الى 4% الى 6 % وحتى 9%

والعميل مايهمه كم بظهرون للناس كلهم يبغي يعرف نسبته وهم عسب يسوقون منتجهم قالوا ارباح 20% ماصدقوا الناس اكتتبوا بس على العموم هو للادخار ممتاز حسب ماتخرين فلوسج تيمعينهم وعقب ماتيمعين مبلغ محترم اسحبي فلوسج واشتري اسهم جمعية الاتحاد التعاونية لان كل سنة بتحصلين اسهم ارباح

يعني لو اشتريتي صكوك 30000 درهم ربحك بيكون مابين 900-2700 درهم في السنة
ولو اشتريتي اسهم جمعية الاتحاد التعاونية 30000 درهم بيكون ربحج في السنة 800 درهم شيك بدون ماتشترين اغراض من الجمعية واذا اشتري بيكون لج نسبة ارباح عالية حسب بكم اشتريتي مابين الف 10000 او اكثر حسب مشترياتج + وسواء شريتي ولا ماشتريتي غير عن الشيك لج اسهم منحة تقريبا على المبلغ المذكور فوق بيظهرلج 70 -75 80 سهم سهم قولي يسوى 7000 درهم يعني شفتن الفرق في الارباح
بس الي تيغي ملايين تشتري صكوك وتحلم عاد هي وحظها
والي تبغي شيى عملي اتعرف !