هدي وصفة روعة استعمالها بعض الاحيان في البيت
الصابون المغربي اللي ينباع بالعطار جزء من مكونات الحمام المغربي .. و أبي أعطيكم معلومه ..
مو شرط السونا أو البخار قبل المغربي أو اثناءه ..
اللي تحتاجينه إهو التالي …
قرشه فاضيه ..
خمس ملاعق كبيره أو أكثر ( حسب حجم اللي بتتسبح بالمغربي ) من الصابون المغربي ..
ملعقتين زيت زيتون ..
عصير ليمونه وحده
ملح خشن ملعقتين ..
( جميع الملاعق أكل كبيره )
ملعقه صغيره كركم
و ملعقه صغيره زيت معطر ( و رد أو مسك )
حطي كل اللمقادير في القرشه ( العلبه ) و خضيهم بسرعه و بقوه .
مو شرط يذوب الملح ..
و إتركيهم مدة عشر دقائق ..
إدخلي الحمام و تحت الدش حاولي تتشورين بماي حار نوعا ما على كثر ما تتحمل بشرتك ..
بعدها غسلي جسمك بالصابون العادي ( يعني تنظفي عادي كأي حمام )
بعدها إشطفي جسمك بماي حار ..
إطلعي من البانيو .. نشفي جسمك و لفي شعرك بالفوطه عشان ما يحوشك هوا ..
إخلطي المقادير ..
و حطيهم على كل جسمك ..
من الرقبه لأصغر إصبع برجلك ..
و لا تنسين تركزين على المناطق المسمره فيج ..
و هالوصفه تصلح للي بالنفاس بشرط يكون آخر 15 يوم ..
و مسحي على جسمك كله مدة عشر دقائق ..
إشطفي الصابون ..
و إستعملي الليفه ( ملاحظه حاولي تتشورين عدل لأن وجود آثار الصابون يمنع الليفه من إنها تنظف عدل )
ليفي نفسك بشكل فوق تحت يعني مثال ..
إيدل ليفيها من فوق لي تحت ثم من فوق لي تحت بتلاحظين غن الجلد بدا يطلع قشور لونها رمادي إبى اسود و الريحه غريبه ..
بعد ما تليفين كل جسمك ..
تشوري بالماي الحار البارد ما ينفع ..
مو حار يصلخ جلدك لأ اسخن من الدافي بشوي ..
و عقب ما تخلصين .. تعطري بعطر جسم مفضل لك ( قبل لا تتنشفين )
ثم نشفي و تعطري مره ثانيه ..
اللي راح تجرب الطريقه راح تدعيلي .
و أتمنى منكم الدعاء ..
هذا اللي أطلبه من كل قارئه لهذه الوصفه ..
مشكوووووووورة حبيبتي .. 
طريقة روووووووووعة وبجربها بعد اسبوع.. لاني اليوم مسوية حمام مغربي ^_^
مشكوووووووووووووووره ع الوصفه
والله يجزاك خير
المشاركة الأصلية كتبت بواسطة Dubai Dream 
طريقة روووووووووعة وبجربها بعد اسبوع.. لاني اليوم مسوية حمام مغربي ^_^
ان شاء الله تستائنسين بيها اختي
المشاركة الأصلية كتبت بواسطة دلوعة نجد والله يجزاك خير
الله يسلمك اختي :1 (80):
مشكوره
بس بسالك اذا انتي جربتيها بنفسك ولا لا
ولازم من زيت معطر ولا مو لازم
مشكوووووووورة وايد
طريقه حلوه