السلام عليكم خواتي الغاليات .. اشخالكن و ان شاء الله اموركن كلها طيبة و فأمان
قلت ما في فايدة في ربيعتي حاولت وياها بكل الاساليب و الطرق و ما لي الا انتو بنات ما شاء الله عليكم الصراحة ردودكم و نصائحكم في المشاكل واااااااااايد مفيدة و حكيمة فبلييييز لا تقصرون في ربيعتي .. ان شاء الله بلاقيلها حل عندكم ان اشء الله
الله يسلمكم ربيعتي وااااااااايد متعلقة بريلها و ما شاء الله ما شاء الله تعشقه و تموت فيه و ريلها طلعتله دوره في امريكالمدة شهر و كان لازم يسيره علشان شغله و هي شجعته.. و الحين يوم سار عنها ما كمل يوم الا و هي 24 ساعة في حالة كآبة و حزن غميق و تتصل بالساعات تقعد اتصيح و انا مب عارفه اهديها و تتصله و تصيح عنده و هو متضايق علشانها يبي يرد .. والله مب عارفه كيف اصبرها الله يهديها و اتم اقولها كم من يوم و رادنلج ان شاء الله و تقولي كيف و لو صار فيه شيء و لو احتاج شيء منو عنده لانه بروحه هناك اتم اقولها الله ان شاء الله وياه و صدقوني تهذا و بعد ساعتين اترد اتدقلي و اتكمل صياحها .. والله ما ني عارفه شو اسوي و المشكله ريلها ما يقدر يوديها وياه لان بيكون مشغول في الدورة و هي بتم بروحها في السكن اهناك فاحسنلها عند اهلها و غير هذا تو مسوية عملية في بطنها و قالولها اتريح .. فما ادري شو الحل وياها .. انا متحملتنها لو اتصيحلي لين باجر بس والله اتقطع قلبي ما اقدر و اتم اصيح وياها و غير هذا عندي مشاغلي انا ريلي و عيالي ما يصير اخليهم و اتم عندها 24 ساعة …
فديتكم ساعدوني وياها قولولي عن تجاربكم و كيف اتعايشتوا وياها وقولولي ادعية او اي نصيحة ممكن اتصبرها و جزاكم الله الف الف خير ما تقصرون…
صرآحه الله يعينهاا
مممممم حاولي تصبرينها اسبوع شوي شوي بتتعود الوضع ..
ترى الايام تمششششي بسسسسسرعه والله
ربي يصبرها ^^
الله المستعاان00حبوبة هذاا اول الفرااق وصدقيني بتتعود
بس يبااله وقت00والله يصبرهاااا ويرده لهاا بالسلااامه 0
كلميهاا وواسيهااا ويزااج الله خير عزيزتي
الله يعينها ويصبرها ان شاء الله
فترة وايد صعبة خاصة اذا هي وايد متعلقة فيه .. 
بس انتي حاولي تقوليلها اصبري .. ان الله مع الصابرين .. وما بعد الصبر الا الفرج ان شاء الله 
وقوليلها بدل ها الدمووع كلها والزعل خليها تقوم وتتوضأ وتصلي ركعتين وتدعي الله سبحانه:
اللهم اني استودعتك زوجي سمعه وبصره وفرجه فاحفظه إنك خير الحافظين
فهميها ان الله هو الحافظ ..
وخليها تهتم في عمرها وفي بشرتها وفي جسمها وقوليلها بعد كلها كم يوم ان شاء الله وبيرجع ولازم يشووفج حلوة ^__^ ..
والله يعينها ويصبرها ان شاء الله
الله ميارب تعدي هالايام باسرع وقت عشان يرد ويجتمعوا على خير يارب امين امين امين
روحي لها لهيها عن الموضوع خليها تنسى ان ريلها مسافر
طلعوو تمشوو
ممم قولي لها تقعد اطلع افكرا كيف تستقبل ريلها يوم ايي
تروح بيتها تغير الغرفه الحجرة بكبرها
تصبغ الغرفه بايدها لو لزم الامر بس عشان يمضى الوقت و نفس الشي تقاجئ ريلها يوم بيرجع
تفكر فيه بس بطريقه ثايه ..
حلو تشتاق له بس ما تقعد تصيح نفس اليهالووو
خليها تكبر عقلها شوي
انا سمعت عن وحده جي كانت تقريباَ نفس حالتها و طول الوقت تصيح مب متخيلة يسافر شهر عنها
وحده من اهلنا عطتها فكرة انه طووول هالشهر تشغل عمرها بتغييرات التي بتسويها و كيف بتستقبله
عقب غياب دام شهر ..
اقولج تمت طوول هالشهر تراكض ع تجهيزات كأنها عرووس ما تم شي ماشااء الله ماسوته .. و يوم يا ريلها كانت ماشااء الله عرووس