السلام عليكم بنات ،،،
تقهرني ردود او تعليقات بعض الاخوات يوم يكتبن الشهاده الجامعيه "ما تسوي شي " ، و أنا أشوف انها أهم شي في هالوقت! كيف ما تسوي شي !!
الحمد الله بشهادتي الجامعيه يتني أحسن الفرص و توظفت في المكان الي يناسب مؤهلاتي، و اكيد وايدات غيري بشاركني التجربه و يوافقني الراي ، بس أحيانا بعض الجامعيات ما تكون اختيارتهن صح أو يمكن ما دورن وظائف أو حتى اجتهدن شوي !!
يمكن الموضوع ما يستاهل الطرح بالنسبه للبعض ،،، بس بالنسبالي يستاهل لأنه الجمله مستفزه !
صدق شي استغرررررررررررب منه فالردود " الشهاده الجامعيه ما تسوى شي في هالزمن!! " عيل ليش ماشاءالله الفئه الطموحه الناجحه تسعى من هدف لين هدف .. من شهادة الثانويه لين الجامعه لين الماجستير و لين و لين !
أتمنى من الفئه المتمسكه بوجهة النظر الغريبه هذي انها تعيد النظر مره ثانيه ^_^
أعتقد حتى لو وحده كانت متحمسه و تبا تكمل و شافت مثل هذي الآراء بيخف حماسها ^_^
والسموحه من الجميع ^_^
صح كلامج
صدقتي الشهادة اهم شي افهالزمن والحمدلله ..
إذا مإحصلتي وظيفة بشاهدتج الجامعيه على الأقل تنفع لعيالج يوم يقولون أمهم شو. أمهم جامعيه
اهم شي الشهادة ، وبعدين بهالزمن ما يوظفون اي احد ، لازم خبرة و شهادة ….
الشهادة اكيد مهمة
انا متخرجة من الصيف اللي طاف وبعدني ماتوظفت بس ثقتي بربي كبيرة
الين احين ما توظفت وعندي شهاده جامعيه.. وان شاء الله كل تاخيره فيها خيره
بس يمكن السبب التخصص والخبرات اللي يطلبها المكان الفلاني ..وماراح اقول السبب الواسطه