الموضوع انه تراكمت علي شوية ديون ومش عارفه كيف اسددها
ادعولي خواتي ان الله يقضي عني الدين
فواتير كهرباء ومخالفات مرورية
فواتير موبايلات وانترنت
تجديد ملكية وليسن
وعيالي مرات يطلبون كشتات وغيره
احس راسي دار من كثر التفكير
ومشكلتي مااقدر اطلب من هلي او صديقاتي او حتى ريلي
لانها من استخدامي الشخصي
ومخالفاتي انا الي لازم ادفعها ماحب اخلي حد يدفع عن اخطائي
ااااه لله الشكوى بس شو تنصحوني
الله يعينك خيتي
الله ييسر لك وتقضين دينك يارب
موفقه حبيبتي
المشاركة الأصلية كتبت بواسطة ��@ سوما@�� 
الله ييسر لك وتقضين دينك يارب
موفقه حبيبتي
تسلمين الغلاااااا
الله يفرج عن كربة كل مهموم
اختي الله يرزقج من حيث لا تحتسبين و الله يساعدج على قضاء ديونج ….
تبين الصراحة استخداماتج الشخصية حتى لو كانت بطريقة خطأ نفس ما تفضلتي …المفروض ريلج يدفعها ..لأنه اكيد ما يرضى عليج تتوهقين اكثر ..و تغرقين نفسج في ديون علشان تدفعي ديون …انتي الحمد لله عرفتي انه هالشي خطأ …خبريه يمكن يسمعج كلمتين من صدمته ..عادي خله يقول الي يقوله المهم يساعدج تطلعين من هالمشكلة …
الحياة الزوجية مشاركة في الحلوة و المرة …
يعني لو العكس و ريلج هو الي أخطأ و وهق نفسه في ديون ..كانت اول وحدة بتنتبه على نفسيته و يفتح قلبه الها و يخبرها انتي و لو بمقدورج تساعدينه كنتي ما بتقصرين ..
اختي اثنين بالمشكلة تصير نص مشكلة …
المشكلة هالخطأ رياييل و حريم يرتكبونه …
و الله يفرج عليج هالكربة و اكثري من الاستغفار …
اذا انتي مواطنه الدوله قدمي ديوان محمد بن زايد
المشاركة الأصلية كتبت بواسطة hamoudmam تبين الصراحة استخداماتج الشخصية حتى لو كانت بطريقة خطأ نفس ما تفضلتي …المفروض ريلج يدفعها ..لأنه اكيد ما يرضى عليج تتوهقين اكثر ..و تغرقين نفسج في ديون علشان تدفعي ديون …انتي الحمد لله عرفتي انه هالشي خطأ …خبريه يمكن يسمعج كلمتين من صدمته ..عادي خله يقول الي يقوله المهم يساعدج تطلعين من هالمشكلة …
الحياة الزوجية مشاركة في الحلوة و المرة …
يعني لو العكس و ريلج هو الي أخطأ و وهق نفسه في ديون ..كانت اول وحدة بتنتبه على نفسيته و يفتح قلبه الها و يخبرها انتي و لو بمقدورج تساعدينه كنتي ما بتقصرين ..
اختي اثنين بالمشكلة تصير نص مشكلة …
المشكلة هالخطأ رياييل و حريم يرتكبونه …
و الله يفرج عليج هالكربة و اكثري من الاستغفار …
واضيف لكلام اخيتي ام حمود
كل يوم اقرئي الواقعة ورددي اللهم اكفني بحلالك عن حرامك واغنني بفضلك عمن سواك
والله يفرج همك ويسدد ديونك وللجميع
تسلمن يالغاليات والله اني ارتحت من كلامكن ربي يوفقكن وين ماكنتن ويفرج همكن