..بنات انا اربيعتي تستلم من الشؤون لكن البيزات كلها تروح في ايد ابوها تخيلوا ابوها انسان طاغي وظالم..ماخذ عنها البطاقة مال الشئون وهيه ماتستلم ولاريال مايعطيها بيزات..عايشين هيه وخواتها على بيزات امها الله يرحمها اما ابوها معاشه وفلوس الشئون يصرفهم على عياله من حرمته الثانيه..واربيعتي كانت تمر عليها ايام ماعندها ولا درهم وتخيلوا ابوها مستحيل يعطيها درهم..اللحين انا عطيتها فكره تروح الشؤون وتتكلم بخصوصية تامه وياهم انه البطاقه عند ابوهم وهيه ماتستفيد من الفلوس وتبا ياخذونه من ابوها البطاقه على اساس انه يكنسلون بطاقتها ويسلمونها لها على الاقل يساعدونها..لانه حرام هو يستلم من الشئون بيزاته وبيزات بنته..وهذا استغلال..والشؤون اهم شئ توصل البيزات للي عاطتنه..شو رايكم بنات عطوني ارائكم..لاتقوليلي تسكت لانه حرام هاي فلوسها تنصرف لها وهيه تمر عليها شهور تكون محتاجه وابوها مستحيل يعطيها درهم..
كل وحده عندها فكره او خلفيه او مرت بنفس موقف البنت لاتبخل علينا..ويزاكم الله خير..
الفلوس وصخ دنيا صح حقج بس هذا في النهايه ابوج فكري جيه ؟
اما اذا كنتو صدق صدق واااايد محتاجين اشتكيه عند حد من الكبار في العايله او اي مكان يقدرون ياخذون حقكم منه وبس
الصراحه لا تسكتي اشتكي عليه حتى لو أبوها ليش ما يصرف عليهم ليش أعيال الحرمه الثانية يعطيهم ليش هم بنات البطه السوده ..
السموحة
المشاركة الأصلية كتبت بواسطة بنت بألف ريال 
اما اذا كنتو صدق صدق واااايد محتاجين اشتكيه عند حد من الكبار في العايله او اي مكان يقدرون ياخذون حقكم منه وبس
اختي البنت تعرف الفلوس وصخ دنيا..بس تعيش محتاجه وفلوس تنزللها..وبعدين هذا حقها ولو عرفوا الشئون مابيسكتون..
ويزاج الله خير عالمرور..
الله يعينكم ..
المشاركة الأصلية كتبت بواسطة أم رشدان السموحة
اختي هيه تبا تاخذ البطاقه من ابوها توصلها وابوها مايدري يعني تتفاهم ويالشئون لو ابوها عرف بيطردها من البيت وتكسر خاطري يوم يمر عليه شهر تكون محتاجه..
المشاركة الأصلية كتبت بواسطة adooy ويزاج الله خير عالمرور..
انا قلت وصخ دنيا لنه ابوها بس لوتلاحظين تحت هالجمله قلت لو كنتوا محتاجين اشتكيه يعني اول شي نبهتها لنقطة انه ابوها وثاني شي قلتلها الحل يعني ما حرضتها دايركت هذا قصدي