السلام عليكم ورحمة الله وبركاته
شحالكن حلوات وعلومكن ؟؟
ببدء فالموضوع ع طول ..
أنا كملت الحينه من عرست سنة وأربع شهور بالضبط
ولحد الحين ماحملت (الحمد لله على كل حال)
طبعاً في مجتمعنا يعتبرون هالمدة وايد وايد تأخرت
أنا من كملت 3 شهور من زواجي وماصار حمل على طول
رحت عند دكتورة سوتلي فحوصات طلع عندي هرمون الحليب مرتفع
تعالجة ولله الحمد منه ..
وعقبها بثلاث شهور رحت عيادة الدكتور ولاء فخري وكملت العلاج عند
الدكتورة سالي (وقصدي العلاج الكولوميد وبعدين الأبر) مع أني كل شيء عندي
اوكى ولله الحمد .. وتميت ع هالمنوال 6 شهور وحسيت بيأس قلت مامنها فايده
وودرتهم .. بعدين وصفتلي ربيعتيه عيادة ثانية قالت لي أختها تعالجت عنده والحين
عندها 3 عيال .. (الدكتور سامح) تصوروا هههههههه أول ماشافني قالي بالحرف الواحد
(أعملي رجيم) ههههههه أنا ماتخيلت ولا للحظه أنه تأخر الحمل عندي بسبب الوزن الزايد
لأني عايبني شكلي وايد صح دبدوبه بس مب متخيله عمريه أضعف ..!!
المهم الدكتور قالي أنتي طبيعية ماتعاني من أي شيء يأخر الحمل غير الوزن الزايد
أضعفي وهتحملي إن شاء الله من دون أي علاجات .. تصدقوا تعالجت مدة 6 شهور
في عيادة الدكتور ولاء فخري ولا مرة قالولي ضعفي وبتحملي ..!!
والحين هدفي الأساسي إني أضعف وبإذن الله أحمل 
والله يرزقني ويرزق كل محرومه يارب
صح اختي الوزن يأثر ..
انا ولدي عمره 8 اشهر وابا احمل يوم كان عمره 4 اشهر يوم سرت فحصت طلع كل شي اوكي بس قالولي سبب التأخير وزنج اضعفي وبتحملين
السمنه تاثر ع الجسم كله
ويارب ترزقين الذرية الصالحة
وانا بعد شراتكم ولدي بكمل سنتين ولين الحين ما حملت وسويت فحوصات قالت لي كل شي سليم خذيت منشطات التبويض ولين الحين ماحملت عقب قالت لي اضعفي وبتحمل والحين قاعده اسوي دايت عسب احمل
الله يرزقني ويرزقكم بالحمل السليم
الله يرزق كل وحده بالذريه الصالحه
شجعتوني والله ..
انا من شهرين متزوجــه *
عسى الله يرزقنـآ اجمعين يارب ^^
ونخف وزنــــــآآآآآآ للابد =$
اللهم آمين .. أجمعين يارب
كل وحده دبدوبه وبعدها ماحملت
تشد حيلها وانا بشد حيلي نضعف
والله يرزقنا بالذرية الصالحة يارب