بغيت أسافر لسويسرا في أخر مارس وأريد ترتبين لي رحله حلووووه من تاجير سياره وفندق يعني ترتيب السفره ونحنا أناا وزوجي وولدي 10 شهور يعني يكون السفر تاريخ 25 -3 والميزانيه ما تتعدى 30000 الف من دون التذاكر لأن عندي وحيت أقولج أنا سايره قبل سويسرا بس في خاطري ترتبين لي أحس ترتيبج احسن من ناحية الاختيار والاسعار ساعديني الغاليه وبقولج على الأقل أبا ايلس لو 15 يوم
حبوبه
حلو تنزلون في زيورخ
تنتقلوون الى zug دشي بوكنق بتلقيين فنادق على البحيره
ومن zugتقدرين تزوريين لوزيرن و هايدي لاند وحتى يورو بارك
بعدين
تقدريين تروحين انترلاكن انصحج اتمين فيها 5 ايام
بعدين تقدريين تنتقليين الي مونتيرو
ومن مونتيرو تقدريين تروحيين كذا مكان ومن ظمنها جنيف و انسى الفرنسيه تراها تجنن
والعوده من مطار جنيف الى الدوله
وان شاء الله يكون الجدول اوكي بس انتي دوري فنادق اوكي وعشان تحجزون سياره من موقع Hetz اوكي
يوم بتحجزين سياره لا تنسين بيبي سييت و الجارمن
و
موفقه
بخصوص سويسرا اذا الرحله 15 يوم … انصحج تروحين انترلاكن خمس ايام منطقه حلوه ونظيفه وكل شي فيها ومن خلالها تقدرين تروحين عدة اماكن مثل زيورخ ولوزيرن وهايدي لاند ويورو بارك و منترو وكلها مشاوير حلوه ف السياره مال ساعه وساعه ونص وساعتين .. وبخصوص الفندق انصحج ف فندق Metropole Swiss هذا يعتبر اطول مبنى ف انترلاكن ووايد نظيف وراقي ومعظم هل الخليج يسكنون فيه واذا تبين قصر في حذاله فندق اسمه قصر فكتوريا وليلته تقريبا ب 1500 اماراتي ..
بعد انترلاكن انصحج تروحين مدينة ديفون الفرنسيه لان السكن فيها حلو وكم يسوى يوم تشوفين قصر بابا زايد وتترحمين عليه .. جريبه من كل المدن السويسريه والفرنسيه والسكن فيها رخيص سواء اذا بغيتي شقق او فندق الي هو لجراند .. المهم من هالمنطقه تقدرين كل يوم تروحين جنيف وتتمشين فيها وتبسطين فيها وبعد تقدرين تروحين عدة مدن فرنسيه وسويسريه مثل : لوزان , افيان , أنسي , وليون , وزرمات , وقمم مونت بلانت , وغرير الي جريبه من مصنع الكاكاو يمي يمي , شامونيه .. يعني انصحج اتمين ف ديفون خمس ايام , وتقدرين تروحين لوجانو وتمين فيها تقريبا ثلاث ايام لانها تستاهل هي سويسريه بس بطابع ايطالي وفندق الهوليدي ان حلو وجريب من مركز المدينه وتردين على جنيف وماوصيج لازم تاخذين صوغه الشوكلاته من المانور ف جنيف … والسموحه منج واي خدمه انا حاضره
مشكورات الغاليات