بنات ابي أسافر للنمسا من تاريخ 1 من ابريل لين 5 ودخلت طيران الاتحاد جفت لشخصين ب6700 تقريبا بس اتصلت وقالتلي فل عالدرجة السياحية وانا بس عندي الاسبوع الياي اجاازة !!
شوو الحل ووين مكان ثاني اوروبي حلو وبهالسعر ..
واذا حصلت للنمسا كم بيكون الباكج من فنادق وكل شي ممكن وحده تخبرني التفاصيل ..
أنا بس ميزانيتي بحدود ال15000
وشو الأجواء بتكون باردة والا عادي ؟؟ خاطري ارووح ويطيح ثلج خخخخ
اترياا الردوود
اممم 4 ايام اما انصحج تسافرين اوروبا
ما يمديج تروحين مكان و الرحلات طويلة اقل شي 6 ساعات
يعني اول يوم بتوصلون تعبانين و اخر يوم تستعدون حق الرده
الا اذا بتروحين باريس مثلاً او لندن او جنيف هالمدن حلوة حق تمشيات و شوبينغ
لكن الارياف هالوقت بعدها بارده و يابسه و مب خضرا
موفقه الغاليه.. اختج @مبدعه@
5 مول ما انصحج تفكير باروبا
ممكن تزيدين المدة او
تخلينها دولة ثانيه
مثل
لبنان
تركيا ( اسطنبول )
المالديف
مكة
ثاانكس تسلمون ع الرد
بس أنا قريت ان النمسا نقدر نتمشى بوايد اماكن خلال ٣ ايام بس
ولبنان حلوة بس تخووف وتركيا شو الجو يكون وكم تكلف ؟؟
مدتج وايد قصيرة حرام تسيرين أروربا، يعني تسيرين بلدان اقرب شوي وتستغلون المدة اللي عندج، مثلا ممكن تركيا واتوقع على شهر مايو الجو بيكون بعده حلو ومعتدل، أو ممكن تسيرين الجزر موريشوس سيشل أو المالديف
انا اقولج تزيدين المدة مثلاً اسبوع ع الاقل
او تخلينها حق اجازة ثانية
لان حرام الرحلة 6 او 7 ساعات و آخر شي كلها 3 ايام يعني تعب وايد
و بعد خسارة بتدفعين مبلغ حق التذاكر و اخر الشي يوم رايحه و يوم راده والرحلة كلها يومين
يعني ما يسوى عليج و انا اقولج تروحين مكان قريب احسن ^_^
اذا تبغين رايي انصحج تروحين كيرلا في الهند و بالتحديد المناطق الجبلية مثل مونار وتكدي
الهند قريبه و حلوة حق 4 ايام و كيرلا فيها طبيعة تجنن و الاجواء بارده في مونار وتكدي لانها مناطق جبلية
و هاي بعض الصور :
[IMG]http://members.*************/g//12/28/hakeem101/1429_618_800x600.jpg[/IMG]
