السلام عليكم ورحمة الله وبركاته
خواتي مشكلتي اني احب السفر في السياره وعيالي يرفضون ويتضايقون من انقولهم السفر درب مع ان سيارتنا جمس عوده وسيعه وفيها شاشة تلفزيون والاشرطه مكوده وغالبا مايكون سفرنا للعمرة يعني من دبي لين العمرة الناس في نفس اليوم يوصلون واحنا في ثلاث ايام نتمرر وانبات في فنادق عشان ما يتعبون واكياس الحلاوه ما تنعد بس من انقول سفر درب ما نسمع غير النفخة شطولها
وعلى فكرة ما انكون بروحنا ربع ريلي ثلاث سياير يطلعون ويانا واحنا مب دوم انوديهم في السيارة في الاجازة العوده انسفرهم ماليزيا بس في اجازة الربيع نطلع درب لان الجو حلو
المشكلة كيف اقنعهم بالسيرة لانها قربت والله ايعينا على اقناعهم اعيالي مب اصغار يعني وحدة في الجامعة أول سنة والثانية صف عاشر والولد ثامن والاخير خامس الي كتبت مشكلته ولدي ما ايذاكر
قوليهم الا يبا يروح حياه واللي ما يبا يقعد في البيت ..هم كبار مب صغار.. لا تسويلهم سالفه صدقيني في الاخير بيوافقون..
المشاركة الأصلية كتبت بواسطة جروح_دمية 
صح كلاامها
اصلا السفر فالسياااره روووووعه واحلى لو كان في الربيع
قوليلهم حلاة السفر في السياره وخاصه اذا كان الجو روعه.. واذا ماطاعوا قولي لهم سيروا بيت يدتكم او حد من أهلكم ومب لازم تيون معانا.. يمكن سبحان الله يخافون ويغيرون رايهم ويسافرون معاج بالسياره
بالعكس هم يبون ايتمون عند خالتهم وابوهم مب طايع هم معاندين وهو معاند
ياليت حد يقولنا يالله انسافر يابسياره ول بطياره احنا مايفرق عدنا المهم انسافر
انا سافرت مع ريلي دول الخليج كلها بالسيارة وكنا والله مفرفشييييييييييين بالسيارة 
ضحك وسوالف وووووووووووو
الحين لالالالالالالالالالالا 
ما افكر اسافر بالسيارة علشان العيال
الللي يسافر يستانس مب كل شوي يغير بامبرز ويوقف للياهل علشان بيروح الحمام ويوعانين ووو
لالالا ابدا ما أأيد
والله ان ريلي البارح يقولي خلينا نسافر لـ… قلت له مستحيييييييييييييييل ما اقدر ما ابي الحين مب وقته
صدق ما اقدر اسافر الحين
ابي اخلص بيتي وترتيبه عقب بسوي اللي ابيه
بيتي وتأثيثه اهم من السفر بالنسبة لي
لاحقة على السفر بعدين
والحمد لله بدينا بمجلس الرياييل باقي الاثاث<<< طلعت من الموضوع خخخ
شسوي اخبركم سبب عدم السفر