:1 (2): مرحبا خواتي ..
من زمان كنت حابه استفسر او اسأل عن العلاقة بين الزوج والزوجه في المسائل المادية :1 (31):
هل هيه تقرب العلاقة وتقويها او تفتح باب ماله اول من آخر ..:1 (30):
وحيبت اعرف شو رايكن في الزوجه الموظفة اللي تاخذ مصروفها من ريلها ؟:1 (2):
وهل الزوجة الموظفة اللي تعطي زوجها معاشها كامل وتخلي بطاقة البنك عند الزوج وحتى ما تعرف رقم بطاقة الائتمان مالت البنك وتاخذ المصروف اللي هو يحدده لها تعتبر زوجة مثاليه ولا ساذجة؟؟؟
:1 (5):
الحرمه لتساعد ريلها ما فيها شي بس تسوي حساب توفير للزمن
1- شو رايكن في الزوجه الموظفة اللي تاخذ مصروفها من ريلها ؟
عادي لان ريال هو اللي لازم يصرف , بس حاولي انج تستقلين و تصرفين من راتبج انتي !
بس بيزات " الزوجيه " لازم يعطيج , و موب تستحين و ماتسألين عن بيزاتج .. لان حقج و لازم تاخذين من يده ( اذا موب محتاجه بعد شلي و حطي البيزات في حساب خاص عندج ) يمكن سبحان الله احتجتي انتي او ريلج .. او تقدرين تصرفينه في امور خيريه !!
2 – الزوجة الموظفة اللي تعطي زوجها معاشها كامل وتخلي بطاقة البنك عند الزوج وحتى ما تعرف رقم بطاقة الائتمان مالت البنك وتاخذ المصروف اللي هو يحدده لها تعتبر زوجة مثاليه ولا ساذجة؟؟؟
لا موب حلوه , عيل ليش الريال مايحط بطاقته عند الحرمه ( انتي لازم تستقلين في هالشي , ها راتبج انتي و لازم تكون عندج و انتي اللي لازم تعرفين كيف تصرفينهم ) تعرفين الريال يحب حرمه صاحبه شخصيه قويه , اللي تعرف كيف تعيش بروحه !! موب الحريم اللي يلزقون في ريلهم و يستهبلون جدام ريلهم .. كانهم مايعرفون شي و ريلهم يعرف كل شي ,, و الله ريال بيتعب من زيله .. ليش ما تمشين ويا ريلج في نفس الخط , لا وراه و لا جدامه !!
بصرااااااااحه قمة السذاجة
ان الوحده تعطي الخيط والمخيط لريلها
عيل ليش هو ما يعطيها بطاقاته ….
وعادي حتى لو هيه موظفة شو فيها لو خذت مصروف من ريلها
بالعكس على الاقل بتحسسه بالمسؤولية وانها مسؤوله منه
بس للاسف الموظفات هالايام قامن يصرفن على البيت وعلى العيال
والاقساط وايجار البيت عليها … يعني هيه صارت الريال
والريل خبر خير … كدي يا غزاله ولعبي يا سباله خخخخخخخخخخ
السموحه
طبعا سااااذجه وغبية .. اللي اتخلي بطاقتها عند ريلها وما تعرف شي عن راتبها .. هذا راتبج تعبج 30 يوم نشه من الفجر … ويوم تردين البيت بعد ماشي راحة .. بذاكرين حق العيال .. بزهبين العشا .. بتجابلين ريلج .. اذا كان راقد ونش العصر لازم يبا حد ايجابله .. كاس عصير كيك اي شي .. وعقب مايتعشون اليعال سبحيهم ورقديهم .. عقب ها التعب كله ما ادري بمعاشيه وين .. صح الحرمة اتساعد ريلها اذا احتاج.. بس لازم هو يطلب منها انها اتساعده .. لازم اتسوين لج احساب توفير .. لو اتحطين فيه كل شهر الفين .. ولازم الريال يصرف على حرمته حتى لو كانت تشغل ..
اغلب شباب هالزمن صاروا محتاجين ياخذون عن حريمهم بيزات!!!!
بحجه انه بيبني بيت مثلا لها و لعيالها و لازم من وجهة نظره انج تشاركين
او بحجة انه بيشتري اسهم تنعنش وضعهم الاقتصادي شوي
او انه يدفع وايد اشياء و معاشة يخلص فاذا تبين تسافرين جهزي البيزات و لا ماشيء حواطة
شو رايكم بهالاشياء ؟؟؟
ما فيها شيء ساعدوا رياييلكم اذا يحتاجون بس فكري بعمرج بعد و يمعيلج شوي للعوزة
و شكرا عالموضوع
بصراحه انا ما اشوف ان الحرمه اللي تساعد ريلها غبيه وساذجه ،،
بالعكس ايد وحده ما تصفق،، عادي تعطينه ويعطيج،، بس خلي لج حساب توفير للزمن