مرحبا خواتي أكتب لكم مشكلتي أريد الحل
زوجي يحبني بجنون وأنا أعرف غلاتي عنده صارلنا متزوجين 13 سنة كلها حب وإحترام بس زوجي تغير من يوم بدت سفريات تزيد لبلد عربي وأنا من زود ثقتي الزايدة كنت أخليه يسافر وماكنت منتبه لسفريات المتكررة ………المهم مع الوقت إكتشفت إنه على علاقة مع وحدة من هذيك البلد وحلف لي إنه اللي بينهم مجرد كلام لا أكثر صدقت أو بالأحرى حاولت أتناسى لأني صدق إنصدمت فيه لأني كنت وااااااايد واثقه فيه ويعلم الله إني مش مقصرة معاه في شي ولا في عياله لأني فعلا أحبه …. ووعدني إنه يقطع الإتصال بينهم وحلف لي أن الإتصال بالتلفون مقطوع بينهم …بس مع الوقت إكتشفت إنه يكلمها بالمسن ……..والشي الخطير اللي إكتشفته عن طريق المكالمات اللي بينهم إنه حاجز لها تذكرة للسفر للإمارات هذا طبعا من غير الفلوس اللي كان يطرشلها وهذا اللي قاهرني إنه يقصر في عياله ويطرشلها …….واجهة باللي سمعته طبعا من خوفه علي لإنه يحبني وما يقدر يزعلني قالها تكنسل التذكرة وما تجي وأنا حاولت أتناسى لأن له معزه عندي ( وعرفت من طريقة وحدة قريبة له إنه متزوجنها ووعد قريبته أن بيطلقها بس يباله وقت لأن قريبة ووعدته أنه تخبرني إذا ما شاف حل معاها (للعلم هذي القريبة تحني ولا أهون عليها ) وهو لأنه يخاف علي ويعرف إني مابسكت إذا عرفت قالها أرجوج ماتعلمينها وأنا أوعدج بييبلج ورقة طلاقها ( قريبته قالت لي لاتخبرينه لأن بعدين السالفة راح تبرد عنده بس هو ألحين يبا يخلص السالفة بدون مايخسرج لأن يعرف هذيك طماعه)ألحين ماعرف شوأسوي صارلي شهر وأنا صابرة وأحس بنارفي قلبي بس اتصبر بالإستغفار ما ريد أخسر زوجي عشان وحدة أعرف أنه ضحكت عليه ولين ألحين ماسوى شي (وعشاني قال أبد ما بسافر لأي مكان )
(أريد منكم تهون علي لوبرد منكم )
ومشكورة حق كل وحده ترد عالموضوع
واصلي الاستغفار
ان شاء الله مافيه الا كل خير حبيبتي لا تحاتين انتي ^^
انشالله يطلقها و ترتاحين بس انتي رمسيه و لا تسكتين عن الموضوع
ما عليه يا الغاليه
دوامي ع الاستغفار وقراءة سورة البقرة
وأهم شي كنسل سفراته .. ويعرف إنج غاليه
وانتظري لين ما يخلص اجراءات طلاقه من ذيك
وعقب وين ما يسير سيري معاه .. بس لت تبينين له انج ما تثقين فيه
ازرعي فيه الثقة مرة ثانية .. بس انتبهي
الله يجدم اللي في خير و يخليكم لبعض
الله يوفقج حبوبه وحلو انه يحبج وخايف عليج وانتي استغفري الله وتوكلي عليه والله يسخره لج ان شاء الله حبوبه