الرحم

السلام عليكم ورحمة الله وبركاته
بنات عندي مشكله صحيه بس مادري اذا مكان المووضوع هني ولا لا
الله يسلمكم مشكلتي هي اني بنت مش حرمة ومش متزوجه ومن سنتين تقريبا الدوره تتاخر عندي واااااااايد تكمل اكثر عن 45 يوم واذا نزلت تنزل شهرين وماتوقف المهم سرت وفحصت ف عيادة نسائية وقالت لي الدكتوره ان فيني تكيس مبياض تقريبا 4 او 5 مبايض صغار قالت صغار وايد ماراح ياثر فيني ع حسب كلامها وعقبها قالت لي لازم فحص هرمونات سويت الفحص والنتايج ظهرت ان هرمون الحليب وااااااااااااااااااايد مرتفع جريب يوصل 200! والغده تمام والرحم سليم الحمدلله بس المشكله ف التكيس وهرمون الحليب وشي هرمونين بعد واحد اقل من الطبيعي والثاني 8 او 10 والطبيعي له يكون نسبته 2..يعني واحد مرتفع وايد والثاني وايد نازل والحليب مرتفع .. عموما وصفت لي دوا اخذه شهرين واراجعها كملت شهرين وروحت لها وسوت سونار وقالت كل شي تمام والدم ينزل بانتظام وماخلتني اشوف التكيس اذا راح ولا لا ..(ومن ناحيتي الدم كان ينزل 3 يوم من الدوره وايد واول يوم يكون قليل وبعد 3 يوم يقل الدم ) المهم وقالت لي استمري ع الدوا 6 شهور.. كملت 6 شهور وسرت لها وقالت لي نفس الكلام الدم يتدفق وكملي ع الدوا…!! انا لاعت جبدي وطفرت خلاص مليت مابغي ادويه وكيماويات لو قطعت الدوا ماراح تنتظم الدوره وطول هالفتره اشرب عصير اناناس وما اكل شرات الاوادم وهلكت من الرياضه وماخسرت غير كيلوين بس!!! يعني ف 8 شهور !
شكيت لامي الوضع وقالت لي مالج غير الحجامه! وروحنا عند وحده ثقه وشغلها تمام
سويت الحجامه اول شهر وماكنت اخذ دوا والحمدلله نزلت الدوره طبيعيه وماشي عوار والوضع تمام والشهر اللي بعده بعد سويت الحجامه والحمدلله نزلت الدوره من دون اي دوا وقالت لي اللي تحجم سيري افحصي هرمونات ,,,سرت فحصت وطلع كل شي تمام والغده تمام وهرمون الحليب الطبيعي نسبته 23..ع حسب كلام الدكتوره ونا ظهر لي نسبة هرموني 26 قالت لي الدكتوره ان مرتفع شوي بس ! وحتى قالت لي كريات الدم عندي صغار !؟ هاي شنهي بعد ؟؟!!!!!!!!!!!شسالفة كريات الدم ماعرف بس
يعني احس الحمدلله احسن عن قبل
احينه باجيلي شهر اسوي حجامه وخلاص
المصيبه مش في هذا كله
المصيبه اني من اقعد او اتربع احس عواااااااااااااااار شديييييييييييييد ف مبايضي ورحمي كله ! والدوره احينه كملت 40 يوم مايتني !!يعني ماعرف شسوي قبل شهر فحصت والوضع الحمدلله واحينه ليش تاخرت الدوره !؟ورحمي ليش هالكثر يعورني!احس بصيح كان احد ينشع رحمي من جسمي عوار مو طبيعي تكفون خبروني شو اسوي لا حجامه نفعني ولا الطب شو الحل ؟@ وبعدين مع هالدوره
والله تعبت ونفسيتي تعبت ماعرف شسوي وحسبي الله ونعم الوكيل

عموما تأخير الدورة للبنت او حتى للمتزوجة يكون سببه يا تكيسات عالمبايض او ارتفاع هرمون الحليب
وهذا الشائع ..

وارجع اقول راجعي دكتورة ثقة ومعروفة اتابع حالتج صح ^_^ ماعليج شر ان شاءاالله