بنات اريدكم تفيدوني بليييز
يايتني الدورة و اييني ألم فظييييع اسفل البطن ادري كلكم بتقولون ها شي طبيعي
بس احس ماقدر استحمل الالم يستمر معاي 3 او 4 ساعات يعني نص يومي
يضيع و انا منسدحة و اتلوى من الالم و الصياح حتى لو آخذ بندول ما يخوز بسرعة —
و الله اليوم الفجر نشيت من كثر العوار اللي في بطني و الله يعزكم اتم ازاااوع
و اسهال و حالتي لله حتى اليوم ما سرت اداوم —
منو تعرف شي يخوز الألم بسرعة في نص ساعة او اقل؟؟
ماريد حبوب انا من النوع اللي ماحب آخذ حبوب.
يعني تنصحوني بشاي بالنعناع و إلا شي ثاني مجرب الله يخليكم و الله بطني
يتقطع —
اشربي قرفة ..
المشاركة الأصلية كتبت بواسطة ام بدر 
مشكووورة الغالية على تفاعلج السريع — بس انتي مجربتها الغالية؟
انا جربت شاي القرفه طبعا مب من اول شهر بتشوفين النتيجه لكني الحين الحمدلله
كنا فين وبقينا فين
واااااااااايد خف عني الالم صار يجيني كل كم شهر مرة
خذي الكوكا كولا وغليها واشربيها بتزيل الالم وتنزل الدورة بسرعة
الغالية محد كثري يتلوى من الدورة الشهريه ..تخيلي احيانا ادوخ واحس مثل السجاجين في ظهري وبطني..بس الحمدلله …الوالده الله يطولي فعمرها من اتشوفني جيه تسويلي بسرعه زعتر قليل السكر…والله احس انه نفس المخدر …اشربه وارقد 3 ساعات وعقبها انش ما احس بشي….الغالية لازم تتنقين نوعية جيدة من الزعتر …اخذيه من العطارين واختاري الاخضر …
وعندج المارمية اشربيها يوم مايكون عدنج زعتر تهدي المعده واااااااااااااايد .وهي علاج لأمراض المعده بعد..والله يعافيج…
بس اذا ما فاد فيج…لازم تراجعين اخصائية نسائيه وتتأكدين انه ماعندج اكياس على المبايض…تراها عاديه تستوي احيانا وتخوز بروحها …يعنيى تنزل مع الدورة …فشوفي الدكتورة يمكن تعطيج نصائح عن مسببات الاكياس …لانه في بعض الاكلات تسبب الاكياس…ان شاء ما تكون اكياس …بيني وبينج يمكن تكون غازات …لانه الغازات مع الدورة تزيد …فحاولي ما تشربين اي مشروبات غازية او تاكلين وجبات سريعه …
اتمنى اكون افدتج ..وسلمتي وسلم غاليج
المشاركة الأصلية كتبت بواسطة أم غـــلا هيه مجربتنها ..ومعروف شاي القرفه زين