الدنيا لقى و فراق

كان الجو بااارد و فجاه ينزل المطر … قام محمد من النوم و يشوف من الدريشه المطر قال يالله تجعلها رحمه ان شالله … فجاه يسمع صوت الباب … محمد افتح بسرعه محمد ..

محمد: منوو !!؟؟ وهو مستغرب

…: انا مريم بسرعه افتح الباب ..

محمد: خوفتيني شو تبين الساعه 2 الفجر ؟

مريم: يدي تعبان ويريدك ..

محمد: يدي !!

مريم: هيه تعال بسرعه ..

قام محمد بسرعه وراح عند يده .. ويوم وصل عنده مسك ايده قاله: شو فيك يا بو خالد شي يعورك ؟

قاله: اريد اشوفك ..

محمد: انا عندك خبرني شي يعورك؟

قاله: اريد اشوفك..

محمد: فديتك يابو خالد انا عندك..

قاله: ترى مريم امانه في رقبتك و انا مودع " ترى الدنيا لقى و فراق" و ابوك مسافر و سلم عليه يوم يرجع ..

محمد: الله يعطيك طولت العمر لا اتقول هذي الرمسه ..

مريم تمت اتصيح …

محمد: روحي انتي بعد هاتي ماي ..

قامت مريم اتيب ماي …

محمد: بوخالد خلني اقومك عشان تشرب ماي .. فجاه مايحس بقبضه ايد بو خالد..

محمد: تم يزقره بو خالد … بو خالد … يدييي .. نش بشربك الماي

دخلت مريم بالماي و طاح من ايدها راحت تركض عند يدها قالت محمد يدي شو فيه لا اتقول لا اتقول
محمد: طلع من الغرفه و اتصل على الاسعاف ..

دخل الدكتور و شاف محمد قاله البقيه في حياتكم …

كان بوخالد كل شي في حياة محمد اكثر من ابوه اللي دوم مسافر و مايشوفه في شهر مره … طلع محمد وهو مب حاس بعمره لين البحر و الجو بارد و المطر يصب …

محمد يكلم نفسه .. ليش اتروح عني و اتخليني .. ليش انا مااقدر اعيش بدونك يا ابويه …

حتى الدنيا تمطر اتصيح لفراقك .. امي راحت و الحين انته …

رجع محمد للبيت و كان تعبان و شاف اخته تترياه ..

مريم: محمد لا اتسوي جيه بعمرك تراك بتعذب يدي..

مرت 3 ايام العزاء و الابو بعده ماوصل الخبر عنده …..

اليوم الرابع كان محمد طالع من المسيد ورايح صوب البيت و هوه داخل يشوف بنت واقفه ؟؟

البنت: السلام عليكم ..

محمد: عليكم السلام..

البنت: هذا بيت خالد .. و عنده بنت اسمها مريم ؟؟

محمد: هيه نعم ..

البنت: انا صديقه مريم و يايه اعزيها …

محمد: اتفضلي ..

البنت كانت تمشي اتخرطفت و طاحت الغشوه محمد سبق البنت عشان يدليها الصاله وهو لاف ويهه
يشوفها و نزل راسه قالها اهني الصاله و حياج ..

البنت استحت ماعرفت شو اتسوي دخلت و شافت مريم و راحت اتعزيها ..

و محمد راح صوب الميلس … رن تلفونه ..

محمد: الوو ..

…: محمد ولدي ..

محمد: ابويه ؟؟

…: هيه ابوك .. اشحالكم و اشحال ابوي كلكم طيبين..

محمد و دمعته بدت تنزل و هوه مغصوص : هيه يابويه كلنا طيبين نترياك..

بومحمد: خلاص بعد اسبوع برجع بس اخلص بعض الاوراق ..

محمد: الله يوفقك … و نترياك ..

سكر الخط … تووت …. تم محمد سرحان .. و يدخل حمد عليه .. حمد ولد خال محمد و بنفس العمر (24 سنه ) ..

حمد: حموود سلام عليك..

محمد مب منتبه بحمد..

رد حمد يقول حموووود .. وين وصلت

محمد: هاا شو اتقول ..

حمد: انا اهني من الصبح و اقولك سلام عليك ولا رديت السلام … منو شاغل بالك ..

محمد: ماشي بس ابوي توه متصل ..

حمد: خبرته ؟؟!!

محمد: لا .. كيف تباني اخبره وهوه مسافر يوم بيرد بيعرف..

حمد: احسن ..

محمد: اتصدق مااحس انه ابوي .. ما احس بشي صوبه .. عمره ماقالي شو في خاطرك … و لا مره يلس معايه و تم يسولف و اذا شفته يخبرني عن الصفقه الفلانيه و كم ربح فيها ..

لكن ابوي بوخالد .. تمت دموعه تنزل ..

حمد: ياريال خلاص … و يحضن محمد …

قام محمد وراح الغرفه وهو داخل يشوف مريم ..

مريم: وين رايح .. ناس يايين عشان العزاء ..

محمد: اشوي تعبان ..

مريم: اخوي ارحم نفسك … تراك قطعت قلبي ..

محمد: مااقدر ..

اشوي تطلع ربيعت مريم اللي اسمها مها …

مها: مريم اشوفج باجر ان شالله ..

مريم: ان شالله حبيبتي و مشكوره..

و راحت عين مها في عين محمد ..

محمد انتبه انها اتشوفه راح بسرعه الغرفه … و تم قلبه يدق بسرعه … تم يكلم نفسه : الحين البنت شافت دموعي شو بتقول عني هذا حساس بزياده

يتبع … اذا عجبتكم بكملها

محمد انتبه انها اتشوفه راح بسرعه الغرفه … و تم قلبه يدق بسرعه … تم يكلم نفسه : الحين البنت شافت دموعي شو بتقول عني هذا حساس بزياده …

رقد محمد بعد ماكان يفكر كيف يحاول يتناسى يده اللي شاغل كل تفكيره …

على المغرب …

يندق الباب … طق طق

محمد: منو ؟؟

…: انا حمد افتح

محمد: تعبان مافيني..

حمد: صج ماتستحي خالني في الميلس و حضرتك راقد

محمد: صبر بتلبس و بفتح

حمد: اترياك

محمد يفتح الباب و يدخل حمد الغرفه …

حمد: ياخي اتصدق مابخليك ابروحك اخاف اتسوي شي في عمرك..

محمد يبتسم .. ليش اتظن بسوي شي بعمري ؟

حمد: الحين الواحد يتوقع اي شي هههههههه

محمد: لا بعدني بس اشوف شنطه معاك

حمد: هيه .. برقد عندك ولا ماتباني ؟

محمد: لا حياك .. اسفرت و انورت

طبعا حمد كان يدور الفرصه بس عشان يشوف مريم …

حمد: انا بروح اكل شي ..

محمد: روح المطبخ و هاتلي شي معاك ..

حمد نازل من الدري …. يلتقي بمريم .. و مريم ماكانت تتوقع انه حد في البيت و كانت مب لابسه
الشيله … راحت بسرعه تحت و استحت منه …

مريم تتكلم مع نفسها : منو هذا الريال اللي دخل البيت ولا بعد قال هود ولا شي مايستحي ولا بعد نازل من فوق .. بروح اسوي شي حق محمد ياكله … وراحت صوب المطبخ ..

حمد يفتح الثلاجه …. و مريم تدخل المطبخ … و بحركه لا إراديه اتصارخ …

حمد: شو فيج ؟؟

مريم: انته منو .. مب عيب عليك تدخل بيت الناس و لا بعد تفتح الثلاجه قلت نازل من فوق ماعليه بس انك بعد تتجرا و تدخل المطبخ .. صج ماتستحي ..

حمد حس انه مسوي شي كبير ,,,, السموحه منج بس بسالج انتي مريم ؟؟

مريم و علامه التعجب فوق راسها … هااا .. هيه انته منو ؟؟

حمد: افا يابنت الخاله جي اتسوين في ولد خالج ؟؟

مريم مبهته مب عارفه شو اتقول : انته منو ؟؟

حمد: انا ولد خالج حمد شو فيج .. صح مرت سنين ( تقريبا 10 سنوات ) …

كان حمد دوم مع محمد بس ماكان يدخل البيت..

مريم حست بالاحراج و طلعت من المطبخ … و حمد سواله سندويجات حقه و حق محمد وراح عنده..

حمد: حموود ياخي اختك ماحشمتني ..

محمد مستغرب: شو صار ؟؟

حمد كان يريد يكبر السالفه هههههه ….. قالتلي اطلع من البيت

محمد: لا صدق تتكلم ..

حمد: لالا امزح ياريال .. بس ماعرفت انا منو قالت انته ماتستحي تدخل المطبخ ههههههههه

محمد: شكلها ماعرفتك ..

حمد: هيه من القفطه طلعت من المطبخ ..

محمد: الله يهديك بس .. قام محمد يشوف اخته

دق الباب عليها …

مريم: منووو؟

انا محمد افتحي الباب..

مريم: مابفتح .. ليش مااتقول انه في ريال في البيت ؟؟

محمد: اسمحيلي والله .. افتحي بقولج شي ..

مريم اصغر من محمد ب 4 سنين و دلوعه البيت … مريم : اوكي ..

فتحت الباب راح محمد مسك ايدها قالها يالله بنروح …

مريم: وين بنروح ..؟؟

محمد: اريد اراويج مكان احبه ؟؟ اركبي السيارة و بلحقج

محمد يكلم حمد بصوت عالي حمد ترى بظهر البيت امانه عندك

حمد: ويت انته وين رايح و بتخليني ..

مريم تركب السياره …

محمد: يالله بسرعه بنشرد ..

مريم تبتسم .. انزين و حمد ؟

محمد: خله ابرايه ..

و راح محمد صوب المكان كان عدال البحر و قالها اشوي اشوي انزلي .. عند الحصى الكبيره ..

مريم: الله المكان وايد حلو ..

محمد: انا بروح اييب كرك و شي تاكلينه اعرف مب ماكله شي ..

مريم: مشكور اخوي ..

وراح يلس عدالها قالها شوفي البحر .. يوم اضيق ولا ازعل ايي اهني ايلس …

مريم: اتصدق كنت احس بتعب و الم في جسمي لكن الحين احس خف ..

محمد: يالله اشربي قبل لا يبرد .. و انا بجهز السياره بكشتج على الكورنيش ..

مريم: اوكي .. الله لا يحرمني منك يااخوي..

محمد: ولا منج ..

ركبو السياره و رن تلفون محمد …

محمد: الووو

…: ممكن اتعرف؟؟

محمد: منو انتي؟؟

…: انته امس عطيتني الرقم.

محمد: لا شكلج غلطانه ..

…: كيف اغلط بالرقم و انته معطني اياه ..

محمد: انتي منو؟

…: مب انته محمد ..

محمد مستغرب: هيه انا محمد .. انتي منو ؟؟

تووووت اتسكر الخط …

مريم: منو متصل ؟؟

محمد: ماااعرف بس وحده سالت انته محمد؟

مريم تبتسم: علينا الحركات … خبرني منو هذي ؟؟ كيف اتعرفت عليها ؟؟

محمد: والله مااعرف منو ؟؟

مريم: بخطبلك اياها اذا حلوه ..

محمد: فكينا اقولج مااعرفها …

رجعو البيت و راحت مريم لغرفتها … و دخل محمد الغرفه .. شاف حمد راقد .. سكر الليت ..

تم يشوف الرقم يريد يتذكر منو ؟؟

فجاه توصل مسج .. من نفس الرقم .. مكتوب " مرت السنين اكيد مابتذكرني"

محمد يقول في خاطره اي سنين ولا مااعرفج .. و عمري ماكلمت بنت !!

رد طرشلها مسج " اختي انتي غلطانه"

ردت طرشت " لا مب غلطانه اتذكر"

طرشلها " انا عمري ماكلمت بنت كيف انتي اتقولين اني اعرفج"

طرشت " عظم الله اجرك في يدك "

محمد شاف المسج تم مبهت …. منوووو ؟؟ و بنت .؟؟؟

طرشلها " انزين يوم انج اتعرفيني ذكريني فيج"

طرشت " الايام بتقولك منو انا "

محمد ماقدر يرقد طول الليل يفكر منو البنت هذي و كيف تعرفه ؟

يتبع …

محمد ماقدر يرقد طول الليل يفكر منو البنت هذي و كيف تعرفه ؟

يأذن الفجر .. حمد طالع من الحمام متوضي و رايح صوب محمد ..

حمد: محمد .. حموود قووم صلاه .

محمد: مب راقد و راسي يعورني.

حمد: يالله قوم ولا ترى بصب عليك ماي بارد.

محمد مب قادر يتحرك … حمد يتقرب من محمد و يحط ايده على راسه …

حمد: شكلك محموم .. بوديك المستشفى..

محمد: لالا باخذ حبه بندول .. بس بتحصل البندول في المطبخ..

حمد بسرعه ينزل عشان اييب البندول و ماكان يتوقع انه مريم اتجهز الفطور داخل المطبخ..

يفتح باب المطبخ بقوه … طاااخ

مريم: بسم الله ..

حمد: اووه اسمحيلي .. بس وين احصل البندول ..

مريم اتكلم نفسها : شو هذا الانسان .. عفانا الله …

حمد: انا اسالج وين البندول..

مريم : هاا .. ليش ؟؟

حمد: ماشي بس راسي يعورني ..

مريم: بتحصله في اول درج .. و طلعت بسرعه من المطبخ عشان مايتم يكلمها ..

حمد يكلم نفسه : شكلها متضايقه مني … مممم انزين ماقلت شي غير سالتها .. راح حمد فوق .. و
مريم دخلت عند اخوها ..

مريم: محمد قوم جهزت لك الفطور ..

محمد: ماعليه الحين انتي روحي بعدين بلحقج…

مريم: شو فيه صوتك ..

محمد: مافيني شي انتي روحي و بعد اشوي بنزل انا و حمد..

مريم اترد من غير نفس من طرأ حمد : انزين

حمد مايعرف انه مريم داخل الغرفه و دخل قال : حموود يبتلك البندول ..

مريم و ملامحها اتغيرت : شووو !! انته ماقلت البندول حقك ..

حمد كان مب متوقع انه حد في الغرفه و يبتسم بخوف لانه شاف مريم ..

مريم: الصراحه زين انه نحنى استقبلناك في بيتنا و بعد تجذب ..

حمد حس كانه صفعه يته في ويهه : قال مشكورين على حسن الضيافه..

محمد: قال شو فيكم انتو ؟؟

مريم طلعت من الغرفه لانها اتضايقت لانه مب طبعها اتفر الرمسه بس يوم شافت اخوها مريض
انقهرت من حمد..

حمد: محمد اسمحلي بس انا بروح البيت اييب اغراضي و برجعلك ..

محمد حس انه حمد اتضايق قاله: انزين بروح معاك ..

حمد: لا انته ارتاح و خذ حبه البندول و برجعلك .. و طلع ..

محمد اتضايق .. قام و راح عند مريم ويالله يالله يشل عمره ..

محمد يدق الباب على مريم ..

مريم: منوو ؟؟ و كانت اتصيح لانها اول مره اتمر بهذا الموقف..

محمد: افتحي اريد اتكلم معاج..

مريم تفتح الباب .. و محمد يشوفها .. قال: ممم مااتوقعت انه تظهر منج هذي الرمسه ..

مريم و خانقتنها العبره: والله مب قصدي بس …

محمد: بس شوو .. انتي اتعرفين انه حمد يحبج و انتو محيرين حق بعض !!

مريم: شووووو ..

محمد: شو .. شوو ..

مريم تمت اتصيح : لا … لا ماباه ..

محمد مستغرب : شو ماتبين ؟؟

مريم: اخر واحد اتزوجه حمد ..

محمد: ليش الشور عندج …

مريم مستغربه @@ من اخوها ليش يقولها هذا الشي ..

محمد طلع من عند مريم و اتريق على السريع و خذى البندول …

وهو راكب السياره … توصله مسج ..

…: صباح الخير ..

محمد: شو تبا هذي بعد ..

طرشلها: لو سمحتي لا اتطرشين مسجات ..

ردت طرشت مسج …: ماتريد تعرف انا منو ..

محمد ماسك التلفون و مب عارف يسوق …. مايشوف .. الا السياره جدامه ><

يتبع …