الدكتورة زينب الشنار

السلام عليكم خواتي و ربي يتقبل صيامكم

أنا اختي تم البيبي ٣ اسابيع معترض ووسولها تدوير لكن ماشي فايده
من الله يتها تقلصات سارت المستشفى البيبي نازل راسه والرحم كان فاتح ٣ سانتي الحمدالله ربت يابت أحلى ولد
حتى خوفوها وقالوا لها اذا مأنزل بيسووون عملية لكن الحمدالله
الدكتوره هاي مااعرفها
ان شاء الله البنات يفيدونج

تسلمين حبيبتي ع الرد
انا اذا ما نزل راسه بتوكل على الله ، اذا الله كاتب عملية ف لا حول و لا قوة
بس ع الاقل بحاول اذا صدق هالدكتورة تقدر تسوي شي
الحمدلله ان اختج قامت بالسلامة و عقبالي يا رب

الله يسهل عليج وعقبال ما تربين بالسلامه
الدكتوره زينب غنيه عن التعريف ما شاء الله عليها خبرة أجيال وشطاره استشيريها و شوفي رأيها وعلى فكره أسمها زينب كاظم و زوجها د. معاويه الشنار ,إذا بغيتي رقمها اطلبي رقم مركز الشنار الطبي في دبي من البداله.

انا جربتها
دكتورة طيبه و شاطره و ما عليها كلام
انا في ولدي سويت عمليه لانه راسه فوق ما نزل
بس في بنتي قالو لي عمليه لانه راسها فوق
اتصلت بها و خبرتها قالت تعالي على طول كنت في آخر الثامن
و فعلا سرت لها و لفت لي بنتي و ولدتها طبيعي الحمدلله

و سامحيني على الاطاله

شكلج عندج ماي وايد عسب جي ما نزل راسه يعني يرد مكانه غناتي مرت اخوي كانت جي راس الجنين ما نزل وقت الولاده نزل راسه وانا بعد الياهل كان راسه فوق ونزلته الدكتوره زينب الشنار والحمدالله رب العالمين غناتي حاولي تاخذي وضعيه السجود وربي يقومج بالسلامة وتبشرينا

المشاركة الأصلية كتبت بواسطة كازو ترف

الله يسهل عليج وعقبال ما تربين بالسلامه
الدكتوره زينب غنيه عن التعريف ما شاء الله عليها خبرة أجيال وشطاره استشيريها و شوفي رأيها وعلى فكره أسمها زينب كاظم و زوجها د. معاويه الشنار ,إذا بغيتي رقمها اطلبي رقم مركز الشنار الطبي في دبي من البداله.

ربي يسلمج يا قلبي
خذت الرقم من البدالة و اتصل من يومين بس محد يرد علي
ما اعرف اذا يصير اسير لها بدون موعد
حتى لو يلست اتريا عشر ساعات المهم تريحني