الدرس الاول : دورة تحسين الخط ,,, شاركوناااا

اليوم بيكون اول يوم ندرس فيه الخط ,,,الموضوع منقول وصاحب الموضوع مدح الطريقة وااايد وانا نقلتها اهني عشان نجرب كلنا مع بعض

وطبعا في طالبات سجلن من الموضوع القبلي ,,, واللي حابة تنظم ويانا حياها الله ,,,

خوووواتي المشاركات هن :

أنا اولهم : انت غـلاي – أم جراااح – عذاري 2024 – دلوعة أمها – tmyz – ورد جوري.. – ظبيانية ماركة – *همس القلوب* – ام ريومي – hwages – شوكلت – βĔŇt ûǻĘ – الصغيروونة – بنت الشمالي
حياكن الله ,, وابا اشوف نوووووركن في الرد فديتكم

قبل اي شي ,,, لازم تكون عندج قناعة انه خطج بيتحسن بهذه الدوره او غيرها ,, بس اذا اقنعتي نفسج بانج قادرة تغيرين خطج بتشوفين الموضوع ووااااايد سهل عليج وبيتحسن بسرعه ان شاءالله

– تلتزمين بالحضور اليومي لكل درس وتسجيلين حضورج فيه بالرد على الدرس
– كتابة الدرس بشكل يومي عشان ما يفوتج شي
– الاحتفاظ باول ورقة واخر ورقة للدروس .. وبعد انتهاء الدورة كل وحده بتعرض كيف كان خطها وكيف استوى ,, بنشوف اذا الدورة كانت ناجحه والا لااا
– سويلج دفتر خاص ,, وقلم ,, واطبعي كل درس ولصقيه في اول الصفحه فووووق وتمي اكتبي الدرس 20 الى 30 مره ,, حسب ما تقدرين بس اللي بتكتب اكثر خطها بيتحسن اسرع

لا تنسووووووووووووووووووووووووووووووووووووون شي جاااايزه حق المشتركة المثاليه اللي تحضر كل يوم وتكتب واجبتها اول باول <<<< خخخخخخخخخخخخخخ عايشه الدور

الدورة بتكون بخط الرقعة وهو من اروع انواع الخطوط العربية ,, يقدر الواحد يتفنن فيه
وهذه نبذه عن الخط .. وعن الدرس الاول :

خط الرقعة هو خط عربي سهل يتميز بالسرعة في كتابته يجمع في حروفه بين القوة والجمال في آن واحد. لا يهتم بتشكيله إلا في الحدود الضيقة باستثناء الآيات القرآنية. وهو من الخطوط المعتادة التي تكتب في معظم الدول العربية. وجميع حروفه مطموسة عدا الفاء والقاف الوسطية. تكتب جميع حروف الرقعة فوق السطر ما عدا الهاء الوسطية والجيم والحاء والخاء والعين والغين المنفصلات وميم آخر الكلمة أو الميم المنفصلة. بشكل عام يميل القلم إلى الأسفل عند التحرك من اليمين إلى اليسار في الكتابة. الخط العربي المكتوب من العامة هذه الأيام يكون غالبا مزيجا بين النسخ والرقعة. وضع قواعد هذا الخط ممتاز بك في عهد السلطان عبد المجيد عام 1280هـ1863 م.
وهذه رسمة توضح كل حرف وطريقة كتابتة … طبعا الكل يعرف الحرف اللي ينكتب فووق السطر واللي تحت بس هذا تاكيد للمعلومات ولااااااااااااازم تحفظيييييييييين كل حرف وكيف ينكتب

الحين عقب ما حفظتي كل حرف وكيف ينكتب تعالي طبقي حفظج في دفترج,,,
اطبعي هذه الاحرف وقلديها بالضبط قد ما تقدرين 20 30 40 مره اللي تقدرين عليه في نفس اليوم

جي بيكون شكل الورقة عقب التدريب

يالله خووواتي شدوا الحين وحاولوا تقلدوووووووووون الخط بالضبط
بس اذا شفتي عمرج ما قدرتي اتقلدينه عدل ,, لا تقولين ما عرفت وخلاااااااااااااااص ,,, لاااااااااا ,,,, لازم يكون عندج صبر وبتلاحظين بالفرق لين اخر الدورة ان شاءالله
ابا اشوف تواقعينكن الحلوه في تسجيل الحضور