الدرس الأول في عمل الدخون ويا أم سعود راعية العود والدهن العود

خلنا من هذا الكلام..
أولا::في اساسيات لازم تتعلمونها..أولا..ألي تبا التجاره لا تشتري عطور بالتوله لأن بتكلف عليها واااايد..اشتروا بالدبه أحسن ترى بينفعج للدخون ولا العطور..

خلوني أعرفكم على بعض الأغراض
هذا المسك الطياري..نص ك ب 75 درهم

هذا شكله دقي (بالمنحاز) وعقب اطحنيه في المكينه..لين ما يستوي شرات البودرة..وهذا المسك متوفر عند أجمل.

وهذا السحال وفيه نوعين في ك ب 40 وفي ك ب100 وهو متوفر عند أجمل
وفي اكياس بس أنا حاطتنه في سطل ومصكره عليه

وهذا المسك العادي..ب 25 النص ك

وهذا العنبر

[

طبعا هذه الكميه اتسوي تقريباً 12 غرشه..
نص ك من السحال -نص ك من المسك العادي والطياري – نص ك شكر عادي
نص ك من العطر يعني دبه..
* أخلطي المقادير الناشه ويا بعض..(السحال والمسك بنوعيه والشكر)

وصبي العطر بالتدريج..واخلطيه زين مازين لين ما اتحسين انها اشكلت..إذا شفتيها نا شفه زيديها عطر

وعقب إما انج اتكورينها ولا اتسوينها دواير ويا أيدج ولا باستخدام القواطع ولا الحديده مال الفلافل

طبعاً صفيه في صينيه فيها قصدير وخلي الدخون لمدة يومين في حجرة بعيده عن اليهال بس يكون فيها تهويه..وما اتكون الغرفة حاااااااااره

شي منه امسواي بالأيد وشي بمال الفلافل..

وخلي لمدة يومين وحطيه في الغرش

ولا تتدخنون منه إلا عقب اسبوع

الخلطة الثانية..
خدي كسره من العنبر وذوبيه إما ويا 5 تولات من دهن الورد أو العنبر ويا كأس من ماء الورد (قساطلي ) ويالمسك كأس وحطي عليه عقب ما اتشلينه من النار.. كأس السحال والشكر..وطبعا العطر الي تبينه..

بغيت أقول شي..تقدرين تستغنين عن المسك الطياري ولا الشكر في بعض الخلطات..
أما العطور..أنت حره في اختيارج اتحبين فرنس عربي..أنت وذوقج..
وهذه صورة طلبيه عندي..لوحده من بنات عيمان..(الطلبية دخون عشق زايد – وعطر شامخ رجالي وعطر الشوق)