السلام عليكم ورحمة الله وبركاته
اشحالكم بنات شو اخباركم حبيت استفسر منكم عن الخياطه انا مربيه الحين من 3 اسابيع تقريبا
ابا اطيح عني الخياطه انا اجلس بماي وملح 3 مرات يوميا والماي يكون حار وايد عسب تذوب الخيوط وحط ديتول البني ملعقه صغيره بس اخاف يلتهب الجرح
هو مايعورني ابد بس انا مابا اروح لعياده عسب يبطلونها انا اباها اطيح بروحها فبغيت استفسر عن البنات في طرق ثانيه تستعملونها عسب تطيح بسرعه
مع العلم اني بالولاده الي قبلها طاحت بروحها بس بعد الاربعين وانا اباها اطيح قبل الاربعين
انتظر ردودكم الغاليات
مبروووك ماياج اختي
وحمدالله على سلامتكم ان شاءالله البنات يفيدونج
^^
حبيبتي أحسن إتسيرين العيادة و حطي ميبو مرهم وايد اوكي
هلا اختي الحمدلله ع السلامه
لا تكثرين اليلسه في الماي والملح مره في اليوم تكفي ونشفيها عدل عن الرطوبه وحطي كريم ميبو عليها وان شاء الله بيطيحن الخيوط
راي من راي الخوات
ولالااااازم اختي اتسيرين الدكتورة قبل ما تطلعين من الاربعين
صدقيني الكشفية وايد مهمه عقب الولادة
مبروووك ماياج اختي
والحمدالله على السلامه
انا اترياها بروحها اطيح مااسوي شي
ولازم اراجع الدكتورة عشان اطمن