السلام عليكم ورحمة الله وبركاته…
بناااااااااااااااااااااااااااات
شخباركم ؟؟
وحدة تبا تعرف عن فترة الخطوبة والملجة….عند العرب و العيم
لان عندهم وحدة ان شاء الله بتملج…وهي وااايد خايفة…
وانا قلت محد بيساعدج غير بنات منتداي
تبا تعرف عن العادات والتقاليد في العوايل
نبدا بالخطوبة: (البنت مب حابة تعزم وايد ناس من اهل العروس)
1- اليوم الي بيوون الحريم على اساس يخطبونها رسمي…شو يسوون اهل العروس واهل المعرس؟؟
اهل المعرس شو لازم يودون معاهم؟؟
وشو لازم تلبس العروس؟؟
وهل هي كلمت المعرس؟؟ ولا يه بيتهم مع وجود محرم طبعا؟؟
الملجة:
( يوم التوقيع)
(ريياييل +حريم)
ما تبي تسوي حفلة
بس عزيمة صغيرة..بس اهل
الرياييل في صوب والحريم في صوب
1- شو تلبس العروس؟؟ وشو لازم اهل العروس واهل المعرس يسوون؟؟
كيف يكون ترتيب البيت؟؟
ياريت كل وحدة تقول شو عاداتهم وتقاليدهم…
وشو سوت ^_^
اللهّم اغننا بحلالك عن حرامك ،
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّم آمين .
خل تسوي اللي هم متعودين عليه
ليش يظاهرون بشء ما يعرفون اصوله
1- اليوم الي بيوون الحريم على اساس يخطبونها رسمي…شو يسوون اهل العروس واهل المعرس؟؟
ما فهمت من اي ناحية يعني .
اهل المعرس شو لازم يودون معاهم؟؟
سلة كاكاو .
وشو لازم تلبس العروس؟؟
اي جلابية حلوة او مخورة — اذا قعدت حريم اما يوم بيدخل المعرس يفضل تلبس العباه
وهل هي كلمت المعرس؟؟
اذا مجرد خطيب لاطبعا اما اذا ملجة فترمسه
ولا يه بيتهم مع وجود محرم طبعا؟؟
ممكن بعد الملجية يسير يرزورهم في بيتهم وفي عوايل عادي يطلع معاها
بس نحن ما نحب هالشيء ونرفض هالشيء اذا مستعيل ينزف وياخذها
الملجة:
( يوم التوقيع)
(ريياييل +حريم)
ما تبي تسوي حفلة
بس عزيمة صغيرة..بس اهل
الرياييل في صوب والحريم في صوب
1- شو تلبس العروس؟؟
اكيد المعرس بيدخل فتلبس جلابية راقية او فستان
وشو لازم اهل العروس واهل المعرس يسوون؟؟
ما يسوون شي يضيفون الضيوف ويفرحون ويسوون اللي دايما يسوونه بمناسباتهم .
كيف يكون ترتيب البيت؟؟
اذا بوفيه فبيكون في الحوي
او حتى لو قعده عادية العروس ما تطلع لهم الا بعد العشا
وعقب يدخل المعرس ويلبسها الشبكة
مثلا يرتبون الميلس وتقعد فيه
والضيوف في باقي الغرف والصالة وطبعا مرتبين المكان ومنظفينه ومدخنينه
واهتموا بتنظيف الحمامات –لان وايد بيستعلمون الحمامات –فحطوا عطور ع المغاسل +معقمات +صوابين ريحتهم حلوة +كلينكس
ياريت كل وحدة تقول شو عاداتهم وتقاليدهم…
وشو سوت ^_^
هذا اللي نحن نسويه ^____________^
بما اني خلصت من فترت الخطوبه بجاوب على هذي الاسأله
– اليوم الي بيوون الحريم على اساس يخطبونها رسمي…شو يسوون اهل العروس واهل المعرس؟؟
اهل العروس يستعدون للأستقبال
اهل المعرس شو لازم يودون معاهم؟؟
يودون وياهم حلاوه
وشو لازم تلبس العروس؟؟
جلابيه او دراعه انا لبست دراعه
وهل هي كلمت المعرس؟؟
انا ماكلمته
ولا يه بيتهم مع وجود محرم طبعا؟؟
يه بيتنا ولما شافني كان الوالد موجود هو يكلمني بس انا مارديت عليه ^_^الملجه بعدنا ودعواتكم لي بالتوفيج
تحياتي وتقديري للجميع
بالتوفييق^_^
شكرا على الردود الحلوة
up up
نبدا بالخطوبة: (البنت مب حابة تعزم وايد ناس من اهل العروس)
1- اليوم الي بيوون الحريم على اساس يخطبونها رسمي…شو يسوون اهل العروس واهل المعرس؟؟
ماشي اهل العروس يستعدون للاستقبال ^_^ و اهل المعرس ايون يخطبون هههـ
اهل المعرس شو لازم يودون معاهم؟؟
ما اييبون شي ! .. او اي شي مثل فواكه او سلة حلاوة
وشو لازم تلبس العروس؟؟
مخورة او جلابية راقيه
وهل هي كلمت المعرس؟؟ ولا يه بيتهم مع وجود محرم طبعا؟؟
لا ماشي .. مالها كلمة عقب كلمة اهلها ..
الملجة:
( يوم التوقيع)
(ريياييل +حريم)
ما تبي تسوي حفلة
بس عزيمة صغيرة..بس اهل
الرياييل في صوب والحريم في صوب
1- شو تلبس العروس؟؟
عندنا تلبس فستان راقي و تسوي ميكب و تسريحه ..
وشو لازم اهل العروس واهل المعرس يسوون؟؟
أهل المعرس عليهم العشا و الذبايح و العزيمه والشبكه طبعا.. و اهل العروس عليهم تجهيز العروس بس ..
كيف يكون ترتيب البيت؟؟
ترتيب الصالة و تكون شرات الكوشة صغيرة .. و بس ^_^