السلام عليكم ورحمه الله وبركاته
شخباركم عساكم طيبييين
ما ادري كيف ابدي الموضوع
بس بخبركم شو
انا الحيين على وشك اني احدد شو بيكون مستقبلي
بس محتااااااااره وايد
لأن ما ادري شو بتخصص
يعني بخاطري
طب ولا هندسه
لكن سنوات دراسيه وايد و وقت ويمكن يأثر على حياتي الاجتامعيه
لكن من الناحية الثانيه بيكون في دخل معقول و وظيفة اوك
بعد خاطري ادرس هنسة ديكور و ادرس كورس تصوير فوتو خرافي ادعم هوايتي
لكن ما احس انه في مستقبل يعني اذا صرت مهندسة ديكور ولا اتخصص بتصميم داخلي
بتوظف …
بما انه انا من القسم العلمي فه المجالات جدامي واذا ما حصل واخترت حد منهم
بخاطري اكون اخصائية نفسية بس وين بشتغل ؟؟!
اتعرفوون شو المشكلة ..
اني انا انساانه ابا ادرس واشتغل واصرف على نفسي
بس ابوية ما يباني اشتغل ..
الا مدرسة …ومستحييييييييييل يخليني اشتغل غير هذا
المهم حبايبي
ابا كل وحده تكتب لنا شو وظيفتها ووين درست وكم سنة ..وشو راتبها اوك ولا لا ؟
وهل يأثر شغلها على حياتها الاجتماعية وياخذ من وقتهتا ؟
هل مرتاحه فيه ولا لا ..
ان شاء الله تعطوني من خبراتكم وربي يوفقكم ..
والي ما تقدر اترد تدعي لي يتحقق الي فبالي 
صلي استخاره … وجوفي ربج شو بيسخر لج ..
الله يوفقج ويحقق لج كل الخير .
لو انا منج ادرس هندسه
بس دام انج متردده صلي استخاره ..
والخيره فيما اختاره الله..
والله يوفقج ..
هلا حبيبتي حبيت اني افيدج صح اني بعدني ادرس وما اشتغلت
بس حبيت اكلمج عن تخصصي الصراااااحه هو حلو بالنسبه لي طبعا
يجمع بين البزنس والطب والي هووووووووووووووووووووووووووووووووو ادارة خدمات صحية
يعني نتعلم كيف نصير مدراء في المستشفيات مب شرط مديرة بس بشكل عام هو يتكلم عن هالشي
واذا انتي وايد طموحه ممكن تصيرين اكثر عن مجرد مديرة
المهم الغاليه انا سنه ثالثه في جامعه الشارجه والتخصص حلو ومطلوب واذا عندج اي استفسار طرشيلي رساله خاص
لني دووووم انسى ارد حق المواضيع الي كتبت فيها
وبس ^_^
نك نييم
شقرووه
ويااكم يارب^^
أكر لكم ردكم ..
وأكيييد بستخيير
شهووودره
مشكووورة فديييتج
والله استانست بردج
احس تخصصج حلوو ..
واذا حبيت استفسر بطرش لج ^^
ربي يوفقج
أب أب أب
وين التفاااااعل محتاجه ردووكم
البنات الطمووحات
الي درست هدسه
ولا تصميم داخلي
ولا ايييييي شي
اتخبرنا عن تخصصها وهل هي حابتنه والا ال
وشو ممكن تشتغل
وإن شاااء الله في النهااية بتستقرين على راااي..