السلام عليكم ورحمة الله وبركاته
خواتي الغاليات
جيت احكي مشكلتي
يمكن تكون وحده من الاخوات تعرضت لها
يمكن تفيديني في مشكلتي
في حفلة الملجه حنيت يدي لين الكوع
وبعد ما طار الحنا ظل الحنا على شكل حرق او وشم
وهالشي يسبب لي مشكله لان عرسي بعد ثلاث اشهور
واخاف انه ما يروح
وفي سؤال بعد
كيف ارجع اتحنا لعرسي اذا جيه تطلع يدي كل ما حنيتها؟؟
انتظر ردودكم
ومساعداتكم الرائعه
هلا فجووره…أولا ألف مبروك إ ن شاء الله
بالنسبه للحنا ترى هذا شي عادي أنا شخصيا صارت لي الحرككه هذي وتميت فتره أعاني من الحرق اللي سبب لي إياه الحنا وبعدين من نفسه إختفى
بس حاولي ترطبين المكان على طول وإذا قدرتي امسحي عليه بالفازلين وإن شاء الله بيخوز
هلا والله..مبرووووووووووووووك الغاليه…
انا استوالي نفس الشي يوم عرسي وخاصه ايدي اليسرى..قالولي استخدمي مرهم اسمه ميبو Mebo يبيعونه في الصيدليه اظني اب 45 درهم بصراحه انا استخدمته بس انا وااايد هيزه يعني يوم هيه ويوم لا وبعدين ريحته قويه مارمت بصراحه…بس صدق وللامانه استخدمته كمن يوم بس لاحظت ان فعلا خف الحرق عن قبل..واحس لو استخدمته اكثر بيخف..وعلى فكره كثر ما اتشلين بحلاوه وتشقرين يخفف الحرق واايد..
ان شا الله استفدتي الغاليه…والله يعافيج ويخوز الحرق قبل العرس..
نفس شي صار لي تقولين كنه حرق فظيع وايد بس مرسوم بورد حاولي ترطبينها دوم وبس
أنا إلي أعرفه الحنه تسبب الحرق إذا كنت شالة بالحلاوة قبل فترة بسيطة وعلى طول تحنيت
بس الآثار تختفي بروحها بعد فترة
تسلمون خواتي على النصائح
وهالافكار الروعه اللي اكيد بتفيدني وتساعدني
ما قصرتوا
ما انحرم منكم
الله يبارك فيكم
وعقبال العزابيه ان شا ءالله
انا استوابي جيه .. يا ختي ماتعرفين شو يحطون في الحنا !!! والله تميت جريب السنه اعاني من الحرق وعقب سرت سويت حمام مغربي والحمدلله خف وااااايد .. والله يعينج يالغالية …