السلام وعليكن ورحمه الل وبركاته
حبيباتي حبيت انزل لكن موضوع يمكن يفيد ادا هب الكل اكيد البعض
بنات الله يسلمكن انا مدمنه شوكولاته وريلي مدمن ديو مشروب غازي غني عن التعريف
المهم سلمكن الله من فتره يتني تقلصات حمل قبل الدوره ب اسبوع تقريبا واتأخرت عندي الدوره يومين قلت الحمدلله انا حامل بس قلت بأخر يومين بعدين بروح افحص
وفي هايج الليله جنت يوعاااااااااانه على الساعه 2 الفير ودشيت حجرتي ولقيت فيها شكولاته دايبه شكلها مغري وكيت كات والله اني اكلتهن وانا مستمتعه وبشراهه واحيد بنت اخت ريلي قالت اعطيني خالو قلت لها لا سيري الثلاجه شي من كثر ماانا مندمجه وفي هايج اليله على الساعه 4 ياني مغص ببطني فضيع وحسيت انه نزل مني شي رحت الحمام شفت دم ونازل مني بقوه انا تميت اصيح واصيح قلت انا ماكنت حامل بس كان يتهيئلي عقبها استغفرت ربي وقلت يارب ارزقني وانا اصيح وريلي يوم خبرته جان في الدوام في الفير ونزل من الدوام عشان يوديني المستشفى يفكر ان مادري شو ياني من كثر ماصحت عقب يوم يا قلتله انا كنت اتوهم والحين يتني الدوره ريلي صحيح اضايق لانه كان شراي فرحان عقب عشان يهدئني قالي خلاص امر الله الله متى ماكاتب لنا بيينا لا تزعلين المهم تمت الدوره قويه وينزل مني قطع وانتوا بكرامه شرى الدم متجمد وانا ساكته على عمري لين ماوقف الدم سرت الدكتوره اشوف انا ليش للحين ماحملت صحيح كل شي بأمر الله بس قلت يمكن في شي يستاهل العلاج وفحصتنيقالت احينه عند البويضه باينه يعني ان شاء الله حاولوا هاشهر وان شاء الله خير وادا ماحملتي تعالي بااعطيج ابره تفجير وقالت لي انتي جم وزنج قلتلها 64 قالت حاولي تخففي من وزنج 3 كيلو بس لان المبايض عندج ذهنيه وتتأثر بأي شي ذهني وقالت انا مااقول لكل الحريم ها الشي انا اقول للي مبايضها ذهنيه وقالت انتبهي تاكلين حلاوه شوكولاته اي شي في ذهن وسكر في ها الشهر قلت ان شاء الله عقب خبرتها بالي استوالي قالت تصدقين لو اقولج شي قلت شو قالت انتي جنتي صدق حامل والي فيج جان تقلصات حمل بس الشوكولاته الي كليتيها هي الي طيحت البيبي لانه بعده الا شويه دم ماتكون واتأثرت عندج المبايض وطاح وربي حسيتالدنيا اسودت من جدامي وخبرت ريلي ريلي قالي الله يهداج انا انصحج تبتعدين عن الشوكولاته وانتي ماتسمعين تميت منقهره قالي ريلي خلاص ربج بيعوضنا خير
عشان جي يابنات انصحكن نصيحه لله ابتعدي عن الشوكولاته والحلويات والمتينه تنحف شو والضعيفه تمتن شوي
وانا بقولكم عن التجربه الي استخدمتها انا ها الشهر بعد ماسمعت ان نجاحها كبير بئذن الله سمعت من البنات والدكاتره السعودين ولو تبين تبحثين بقوقل ابحثي وبتشوفين ان رمستي صدق
من اول يوم دوره اشربي المردقوش ينباع عند العطارين بسوق شرى الماي شكله اشربيه يعني بمعدل قلاص واحد في اليوم اشربيه كل يوم لين 15 يوم ووقفي وابتدي من يديد اول يوم دوره لين 15 يوم ووقفي وبئذن الله يستوي حمل لانه منشط للمبايض
انا يابنات جربته بصراحه بعد ماسرت عند الدكتوره لين قبل يومين وقفت لاني كملت 15 يوم وان شاء الله هالشهر احمل ادعولي يابنات
وادا تبين تبحثين فيه بقوقل اكتبي المردقوش والحمل وان شاء الله بتلقين الي يريحج
لاتنسوني من دعاكم لي بذريه الصالحه
عشر مشاهدات وولا رد
والله انا حبيت انصح ماطلبت شي
نصايحج من ذهب الغاليه
بس صدق انكسر خاطري عليج يوم طاح البيبي
بس صدقيني المكتوب لازم يصير ..
وان شاء الله تحمليين الشهر الياي وتبشرينا ..
وان شاء الله اكون وياج حااامل .. آآميييين ياااااارب
اول مره اسمع عن هالشي انه الشوكلاته تنزل الياهل !!!!!!!!! شي غريب والله
بس كل شي جاايز ..
والله يرزقج الغاليه .. وتسلمين ع طرح الموضوع ^^
صحيح انه السكريات والحلويات تكون سبب من اسباب سقوط الجنين
وهذا كلام دكتورتي بعد عشان جيه نصحتني اني ابتعد عن الحلويات وخاصه الشوكليت
واللي تحتوي على نسبة كبيره من الدهون…..
تسلمين الغلا على موضوعج الحلو وربي يعوضج خير يااارب وربي يرزقنا الحمل عاجل غير آجل يااارب في هالشهر الفضيل ^^
كلامج صحيح الغاليه
حتى انا دكتورتي منعتني من الحلويات وقالت لي لازم وزني يخف
الله يعين
كلامج صحيح الغاليه
حتى انا دكتورتي منعتني من الحلويات وقالت لي لازم وزني يخف
الله يعين