اهلين صبايا شحالكن
بنات انا مربيه من 13 يوم تقريبن
وصدري الكريهه ساعات فيه حليب وساعات مافيه ومايشببع بنتي
واتم حليلها اتصيح يوعانه وصدري مافيه حليب
ف اضطريت اعطيها صناعي ك مساعده
اسم الحليب ليبتوميل بلس 1 ها يديد يقولون عنه
ساعات فديتها تشربه وساعات اتزوعه واتم اتصيييح يوعانه
وانا دوم احطها ع صدري اتمص مرات يطلعلهااا وعقب يخلص واتم اتمص ع الفاضي
والله اني مظاااااااااايجه تغمظني يوم اتم ابيوعهاااا
شو اسوي ساعدوني دخيلكن اول بيبي ماعرف شي 
شوفي حبيبتي عليج بدلة حلبه اشربيهااا وايد ادر الحليب
وخذي بعد سحلب مصري وانتي سويه في البيت مع حليب قليل الدسم أو إلي يعجبج وايد بعد يسوي حليب ولازم دايما تاكلين شي مفيد مثل السلطه والشوربه إي بالمرق
لأن إذا اهتميتي بشرب يوميا بيستوي حليب
لان أختي حليلها كانت اتصوم وعندها ولدهاا بو شهرين تقريبا وكانت من تفطر وهيه تشرب دلة حلبه وعصير افوكادو والحمدالله ولدهااا شبعان ودوم على صدرهاا
ويارب تستفيدين …..
اشرب حلبه واكل عدددددددددددل بس مافي فايده صدري مايدر وايد حليب ومايشبع البنت
ياربيه مظايجه ساعدني بليز خبروني تجاربكن
الحلبه زينه وتعرفين بعد الرهش ووايد يكثر الحليب …
واذا الصناعي يزوعها خذيلها مال الترجيع او غيري الحليب انصحج ب اس 26 ووايد حلووو
برمس الدكتور العصر بشوف شو يقول
عليج باليانسووووون يمدحوووونه
الرهش الحلبه الافكادو كلهن يدرن الحليب