خواتي ربيعتي عندها مشكله مع بنتها اللي بدت تقلد البويات ومسويتلها حبيبات ترمسهن بالتلفون . عمرها 14 سنه واللي يشوفها جميله جدا مستحيل الواحد يقول عنها بويه بس ما ادري ليش تسوي جذي مع انه امها محافظه ومربيه عيالها احسن تربيه ومهتمه فيهم ويوم رمست بنتها قالت لها البنت مب احسن من اني اكلم اولاد . انا فهمت ربيعتي يمكن السبب هو لفت انتباه وكسب اكبر عدد من الصديقات وخاصتا ان البنات الصغار هذي الايام يميلون للبويات . يارييييت لو تعطونا رايكم في الموضوع ونحاول مع بعض نوجد حل لها المشكله المنتشره من بدايتها.
الله يهديها إن شاء الله
وبصراحه ما اعرف شو اقولج … بس إن شاء الله العضوات مابيقصرون وياج
والسموحه الغاليه
خل امها تكلمها
خل تقطع هالشي وهي توها بدته قبل ما يكبر
بس اوووول شي تتاكد هل البنية صارت بوية يمكن البنية تبا تكون اجتماعية لا غير
وان شاء الله يصير خير
الله يهديها إن شاء الله
وخلي امهاا تنصحهاا اكثر وتييب لها ادلة انه هالشي حراام ولازم الام من احين تلازم بنتها وتدير بالها عليها قبل ما يفووت الفووت
هلا الغاليه……
اختي الاهل مالهم خص بالموضوع حتى لو البنت تربت,, انا عايشه بمجتمع كله بويات يعني معقوله كلهن مب متربيات ماعتقد……….انا اعرف البنات كل وحده تقلد الثانيه وتستريل , من رأي المفروض الام تواجه بنتها وتكلمها بهالموضوع تحسسها بانوثتها عشان تتغير او اذا الام تستحي انتي تكلميها بهالموضوع
والله يهدي الجمييع
شو هالمنكر بعد بوياااات؟؟؟
لازم تتقرب من بنتها اكثر
تسويلها جدول
تطلع وياها كل مره مكان .. يعني جنها اربيعتها مب امها
تسير وياها السوق تشتريها لبس اكسسوارات و غيره و غيره
من فتره لفتره تسويلها محاضرات
تاخذ بيدها و تغيرها .. يعني توجه بنتها للإلتزام
تقولها يالله نقوم نقرا قرآن
نسمع محاضره
تعطيها كتب هيه تحبها تقراها
توديها عند بنات من الاهل في نفس سنها
أو تاخذهم كلهم و يطلعون رباعه
و عليها بالدعاء انه الله يهدي بنتها و يبعدها عن هالدرب