انا مشكلتي مشكلة
يمكن معظم الحريم عندهم ها المشكلة
من بداية حياتي رصيت ع عمري
و اقوله ان شاء الله
من عيوني
اشتغل و ادرس و ارص ع عمري عسب طموحي الشخصي
ما كنت اساعده ف شي يمكن اشياء بسيطة لان كنا نبني بيت و اشياء ما تنذكر
ارجع البيت ما القى احترام و تقدير و امه الله يهديها يا رب تتسمع شو اقول و تحط اذنها عن باب حجرتنا
ياخذون بيزاته بالهبل وانا قاعدة ع باب الله
حسيت ما شي فايدة
ريال طيب زين بس مقصة و ايده مفتوحة و كلما حد طلب منه فلوس سار و عطاهم سواء ربعه ولا اهله و لا امه
و عليه دين كبييير هو دين البيت
و دوم امه تفر راسه علي
طلعت دخلت طبخت سوت سارت اشترت سهرت
و هو يستقوي علي يدامهم
ومن وراهم ما في احسن منه
طلعت ل بيت بروحي الحمد الله
و علاقاتنا صارت اروع ما يكون يعني حسيت نفسي عروس
و هني تغيرت صرت وحدة ثانية
قوية
لساني اطول مني
لو قال لي كلمة وحدة فيها اهانة بسيطة او تعليق سلبي ارد عليه ب 10
مرة تنازع معاي قلت له والله لو ما اصطلبت و غديت ريال
لا اطلع من البيت و اخذ حضانة الولد و غصبن عنك تعطيني مصروفي و مصروف البيت و تأجر لي بيت و اتييب لي خدامة
من هاك اليوم و الريال متغير للأحسن
لا يقول لي اهلي و امي و فلوس ولا شي
كلما طلعت مكان عطاني فلوس
بس صاير يخاف
يعني يحسب حساب مليون شي
مب لانه يخاف مني
يخاف اني اتركه
يخاف لاني موظفة و راتبي اوكي و عندي شخصية و فيني كل شي حلوو و مممكن اتزوج اي شخص ثاني عقبه
و يخاف اني ممكن اتركه ف يوم من الايام
انا ما قصدت اسوي فيه شي بس حسيت ان الحرمة القوية هي اللي تعيش
انا ما احب طريقتي ف التعامل وياه
اما بشكل عام انا اوكي معاه و اسلوبي عسل و شهد بعد
و ادلعه و كل شي و احاول ما اقصر باسلوب و معاملة و كشخة و اناقة و كل شي و اهتمام و هدايا
بس خلى يفكر مجرد تفكير يهيني بكلمة او يعلق علي تعليق يجرحني امسح فيه الارض
يعني مرات يقول لي بمصخرة بعرس عليج شو رايج
يعني الجملة ما تزعل بنات !!! اي صنم ف ها العالم بتزعل لو كانت مصخرة
اقوله
عرس عادي عندي
وانا بعد بتزوج باخذ لي ريال صغير يدللني و يدلعني
و فديتني قمر 14 و اشتغل يعني بلقى لي مليون واحد احسن منك و احلى منك
عاد هني يخاف اني اودر البيت صدق
اقول شو ها الحالة لازم اكون ام لسان عسب يحترمني وما يجرحني
انا حسيت الجملة اللي قلت لها اثرت فيه و زايغ اني اطير منه
يعني ها الاسلوب اللي يمشي وياه
يعني الفقيرة اللي تقول ان شاء الله بتكسر راسها
بس القوية ما تروم تقول لها شي
موضوعي يضحك بس صدق
يعني بنات لازم اكون قوية و اوقفه عند حده يوم يغلط
انا احس متأثرة باللي حوليني من الحريم
من كثر ما شخصيتهم ضعيفة و كله يقولون ان شاء الله ل ريايييلهم يبهدلونهم
اما اللي قوووية و عندها شغلها و بيتها و عيالها و ربيعاتها يحترمها و يحسب لها مليون حساب
هو حلو انج مرتاحة الحين ,, بس انا ماافضل هالاسلوب مع الريال ومب كل الرياييل بيرضون يعني ريلج يمكن يساير هالاسلوب ويطوف بس مب وحده ريلها عصبي تجرب هالاسلوب لانها بتخرب بيتها انتي تقدرين تفرضين شخصيتج ورايج بأسلوب ثاني لاتعتمدين على التهديد دوم لانه بينقلب ضدج
والله يوفقج ويسعدج
لا تضعفين وتقولين ان شاء الله في كل شي بس نصيحة
غلاي تبغين نصيحتي لا تشدين الحبل وايد ولا ترخينه وايد ،،،
اخاف الحبل الي بينج و بينه ينقطع
احلى ما في الموضوع انه استطلب و غدا ريال
خليج جذا يا غير لا تضغطين وايد وايد عليه ،،،
حلو اسلوبج و الصراحة الرياييل ما ينفع وياهم الا العين الحمرا
على حسب شخصية الرجل مش كل رجل يتقبل هاللشي وكل حرمه تعرف شخصية زوجها والذكيه اللي تعرف تتعامل معه على حساب شخصيته بس فرض القوه مش دائما في صالح الحرمه. الله يديم عليج الحال الزين والسعاده
هو من حقج يصرف عليج ويحترمج قدام اهله ومن وراهم
بس سالفة انج تستقوين عليه مب حلوه
مافي مثل الاحترام المتبادل بين الزوجين
انسي الي صار اول حياتج الزوجيه واحترمي ريلج وعامليه بما يرضي الله
هل بيرضيج ان باجر لو ولدج كبر ان شاء الله وتزوج حرمته تستقوى عليه او ان حريم خوانج يستقون على ازوجهن
مافي شي اسمه ماشي الا بتحمير العين هذا منطق سخيف وماله معنى
الزواج حب واحترام وتقدير وشعور البراحة والطمانينه
والزوجه الصالحه اهي الي تعرف قدر رييلها وتقدره
وفي نفس الوقت تتمسك بحقها الي الله شرعه لها من مصرف واحترام من قبل الزوج
يعني لا تكون ظالمة ولا مظلومه
>> الي سويتي نتيجه سنين من ضعف شخصية ريلج ..
هو يمكن ما يخاف منج كشخص .. هو يخاف من انج طيرني من ايده ..
هو يحبج عشان جي تغير و صار ريال …
الحرمة هالايام لازم يكون لها شخصيه ..
الحياة تغيرت و صارت اشيا وايد اخلي الحياة زوجيه مو مستقره ..
فالبنت الي بتخاف و بتستوي ظل للرجل .. ما بيحطه في عينه .. لاء بيكسرها طول عمرها ..
راحوا رياييل اول .. الي يدش البيت و ايده ما تخله .. ويدور لقمته و يقيل و يروح المسيد و يرجع يداري بيته و عياله ..
راحوا الرياييل .. الي لو تساعده مرته بريال يرفعها ع راسه امتار ..
راحو الررياييل الي .. كل ما ضعفتي جدامه .. كل ما زدتي جمال و انوثه .. و حلاه ..
طبعا ما اقول الدنيا خلت من هالانواع و لكنها الى اندثار ..
يازينهم رياييل اول .. عشق وحب لا ينتهي .. لو تروح الحرمه يذكرها طول العمر ..
و الحين ينوح بعزاها .. و ماتكمل 4 شهور الا هو مالج ..