السلام عليكم ورحمة الله وبركاته
اخواتي
قبل عشرين يوم سرت المستشفى وسويت سونار وقالت الدكتورة ان الجنين مافيه نبض وعمره 6 اسابيع وعطتني موعد بعد 10 ايام
وسرت لها مرة ثانية ونفس الكلام مافي نبض وعمره 6 اسابيع وبعد 10 ايام ثانية
سرت مستشفى غير وعملت سونار ونفس الكلام…. وفي النهاية قالوا ان الجنين ميت
وخبروني انه بينزل طبيعي يعني مافي داعي لعملية التنظيف
وقلت لهم عن مخاوفي من حدوث تسمم فقالوا لي مايصير تسمم لان عمره صغير
وانا الحين انتظر نزوله…….وعندي لكم سؤالين:
1- شو اشرب عسب ينزل بسرعة؟
2- عادي الوحدة مثل حالاتي تسوي علاقة؟ ولا هذا يضرني؟؟
ربي يعوضج ان شاءالله في اقرب وقت ويرزقج الذريه الصالحه يارب
سويلج جرفه وزنجبيل وفلفل اسود واشربيه وان شاء الله بيفيدج
واشربي خروع او اخلطيه ويا عصير برتقال
اختي نفس حالتج من اسبوعين قالولها انه ميت وعمره 6 اسابيع
وشربت هالاشياء ونزل بس تمت بقايا من الجنين واحتاجت عملية تنظيف
الله يعوضج فديتج
الله يعوضج ان شاء الله بعوض خير
مريت بنفس الحاله …. بس سويت غساله والحمدلله الله عوضني وتيسرت اموري في هالحمل…
بس ان شاء الله ينزل طبيعي ولا تحتايين للتنظيف
نفس حالتي،، أنا من يومين قالولي الجنين مو باين ومافي نبض يعني كيس الحمل فاضي لأنه الجنين مات في مرحلة مبكره ومابين في السونار،، وأتريا ينزل بروحه لين الحينه مانزل بس أنصحج لاإتسوين تنظيف ،، إتري عليه
الله يعوض ان شاء الله
انا مثلج حملت في شهر 6 وعرفت ان الجنين ميت وانا في الشهر الثالث يعني في شهر 8 والدكتور اللي سوالي سونار
بعد ما سوالي السونار كشف علي وضغط على بطني من تحت السره والحمدلله نزل ولا احتجت لعملية تنظيف ولا أستعملت أي شي علشان ينزل وعلى أخر شهر 8 يعني قبل رمضان بكم يوم عملت سونار وقالوا كل شيء الحمدلله زين وجاتني الدوره بس حبيت أقول لج أن انتي لازم تصلين خلال فترة نزول الجنين يعني ما تقولين دم وما راح أصلي وعادي تسوين علاقة بس الاحسن تبتعدين عنها خلال هاذي الفتره واذا انتي في نيتج الحمل عليج انج تتناولين حبوب حمض الفوليك
وإن شاء الله تبشرينها بعد فتره بانج حامل وكل أمورج بخير ومتيسره
تــــــــــــــــــــــــحــــــــــيــــــــــاتـ ـــــــــــــــــــــــــــــــــي
تسلمووون خواتي على ردودكم الطيبة
والله يطمن بالكم