السلام عليكم
بنات انا عندي حساسيه في الجلد تنتشر من مكان لمكان في جسمي
وحكة فضيعه وحبوب
كل هالامور بدت معايه من شهرين
تعبت من الحساسيه …. الله يشفيني ويشفي كل مريض
بغيت اسألكن عن عيادة سعاد لطفي في العين ….. هل تعالج الحساسيه ولا هيه بس حق التجميل
وهل حد جرب علاجها في الحساسيه ……
شوه رايكن بنات ….. انا طبعا مش رايمه اروح عن دكتور ريال لاني ما اقدر اراويه الحساسيه لانها واضحه في اماكن مستحيل اخليه يشوفها
الدكاتره الرياييل الزينيين واااااااايد لكن الله هو الشافي
اتريا ردكن بخصوص عيادة الدكتورة سعاد او اي راي ثاني
وجزاكم الله خير
يوفقك الله
شكرا جزيلا
امي تقول علاج الحساسيه المر مع الملح وتقرين فيه لرقيه وتدهنين فيه جسمج بدون تدليك بس دهن لانها يمكن تكون عين الله يشفيج ويعافيج
جزاكم الله خير
واتريا الرد بخصوص الدكتوره سعاد
مااعرف شي عن الدكتوره سعاد
بس بغيت انصحج بنوتي كانت تعاني من الارتكاريا وسرت اطباء وايد كلهم يعطون مراهم كورتزون ومضادات هستامين
ترتاحين شوي وعقب ترد انتي حاولي تراقبين عمرج شو اللي يهيج الحساسيه تجنبي وسيري افحصي دمج
cbc ,hb ,esr
هالفحوصات مهمه صدقني لان احيانا الحساسيه يكون سببها شي داخلي لو تعالج تختفي الحساسيه وترتاحين
ولج مني نصيحه مهمه والله جربتها انج تجلسين في البانيو تبع الحمام تحطين ملئ غطائين ديتول اخضر لاستعمال الشخصي كلما مره تسبحين فيها بينفعج وووووووووووووووووووووووايد
وعقب الحمام ترطبين جسمج بمرطبات طبيه خاليه من العطور مثلا عندج سيبا ميد
وبعد معروف البحر واملاح البحر الميت وايد اوكي لهل السوالف
والله يشافي بنوتي ويشافيج اختي وانتبهي تعالجي من الحساسيه قبل ماتطور لاكزيما دهنيه مثل مااستوى لبنوتي بدت حساسيه وعقبها استوت اكزيما دهنيه في فروة راسها
المشاركة الأصلية كتبت بواسطة أم فلونه 
بس بغيت انصحج بنوتي كانت تعاني من الارتكاريا وسرت اطباء وايد كلهم يعطون مراهم كورتزون ومضادات هستامين
ترتاحين شوي وعقب ترد انتي حاولي تراقبين عمرج شو اللي يهيج الحساسيه تجنبي وسيري افحصي دمج
cbc ,hb ,esr
هالفحوصات مهمه صدقني لان احيانا الحساسيه يكون سببها شي داخلي لو تعالج تختفي الحساسيه وترتاحين
ولج مني نصيحه مهمه والله جربتها انج تجلسين في البانيو تبع الحمام تحطين ملئ غطائين ديتول اخضر لاستعمال الشخصي كلما مره تسبحين فيها بينفعج وووووووووووووووووووووووايد
وعقب الحمام ترطبين جسمج بمرطبات طبيه خاليه من العطور مثلا عندج سيبا ميد
وبعد معروف البحر واملاح البحر الميت وايد اوكي لهل السوالف
والله يشافي بنوتي ويشافيج اختي وانتبهي تعالجي من الحساسيه قبل ماتطور لاكزيما دهنيه مثل مااستوى لبنوتي بدت حساسيه وعقبها استوت اكزيما دهنيه في فروة راسها
أم فلونة حبيبتي …. والله فرحتيني بردج انا تعبانه من هالموضوع والله اليوم تميت اصيح
تعرفين انا حامل …. وخايفه من العلاجات ومع ذلك احط بعض الاشياء اللي على قولتهم خفيفه
لكن الحساسيه مش راضيه توقف في مكان معين …. تتنقل من مكان لمكان … الحمدلله على كل حال …. نعم الله وايد علينا … وانا ما اريد اتشكى بس ابى اوضحلج حالتيه لانج مجربة مع بنتج الله يشفيها
الحين فروة راسي تحكني وايد ….. وصدري يحكني واخاف تستمر الحساسية معايه واتم احاتي كيف برضع البيبي
تعرفين انا اتعالجت في توام وقلتلها سويلي فحوصات دم …. وهيه قالت لا
بس انتي هاي الفحوصات اللي تطرينها وين سويتوها ؟؟؟
يعني بس جيه اقولهم هاي الرموز وبيسوولي …؟؟؟
انزين اذا سويت الفحوصات بعدين شوه بعرف من النتيجه يعني شوه بستفيد ؟؟؟ شوه بيكون العلاج ؟؟
تعرفين حتى حلاوة مش قادره اسوي وحالتيه فضيعه
من فتره يوم حسيت انها خفت شوي رحت وجازفت وشليت شعري بالحلاوه …. وطبعا طلعت لي حبوب وحكة وهالسوالف …..
اما الحين صايره تطلع لي في كل مكان …. والبدايه اعتقد كانت من صالونه متروسه فلفل
ويوم قلت حق الدكتوره قالت لي ما عندنا فحص دم عن التوابل
بس عندهم عن الربيان واشياء جيه
مش عارفه وين اتعالج ما اريد اروح عند رياييل …. يعني لو في ذراعي او شي جيه بقول ما عليه مع اني ما احب حد يشوف حتى ايدي
لكن اكثر شي واضحه في بطني واماكن ثانيه
جزاك الله خير والسموحه حشرتج بس فرحانه انج جاوبتيني ويله زيديني من خبراتج