حياكم الله و بياكم غالياتي طبعا حبيت اقول لكم عن تجربتي
الثانية من معالجة شعري هالمرة ،،،،
المرة الي طافت قلت لكم عن تجربتي مع البوتكس و لله الحمد كانت تجربة ناجحة
فحبيت أعالج شعري بس هالمرة الي في صالون قالت لي ما احتاج البوتكس
راح احتاج بس لجلسة كولاجين ،،،فتوكلت على الله و سويتها ،،،
طبعا اول شى سويته لاني بسافر عقب العيد صبغت شعري و خلاف غسلولي إياه
و بعدين نشفوه لي إياه من عقبه حطوا لي الكولاجين
الكولاجين يحطونه على الشعر و كأنه مادةكريمية معالجة للشعر
خلته على شعري ما يقارب الساعة او اكثر و نشوفوا لي إياه بالسشوار
و خلاف بعد البلو دراي سووا لي ستريت بال سيراميك
و طبعا خذ الشغل أحسه قريب الساعتين
( بقول لكم على شى صار بالصابون صدق حزت في خاطري وحدة من الأمهات
يايبة بناتها الهنتين وحدة عمرها 6 و الثانية 7 و سوت لهم كيراتين !?!?بنات صغار أطفال هييل خافي ربج فيهن لا و تقول ها ثاني مرة تسوي لهن !؟!؟ انا الصراحة استغربت طبعا الي تسوي لي شعري ما رضت تسوي للبنت لان قالت لي حرام ها ثاني مرة خلال يومين تسوي لهم كيراتين ؟!؟! انا الصراحة مستغربة من الام اونه شعر بناتي فلافل و كشة و ما خلت شى إنزين الله يهديج ترى بناتج طالعات عليج يعني عادي بس يكبرن بيسون الي يبغنه ليش في هالعمر تسوين لهن كيراتين ،،حرام و الله حرام أول مرة اشوف ام تسوي على الأطفال كيراتين احنا ما سوينا البوتكس و الكولاجين الا من بعد مئة مرة من صبغناه و انتي الله يهديج اونه تبغي شعر بناتها يكون ناعم مب كشة إنزين استشوار ستريت اي شى بس مو كيراتين ولا بعد شهرين ما ادري بعد شو راح يسوي لهن ،،،،يا أمهات لاتلعبن في شعور بناتكن حتى لو كانت شعورهن كشة على قولتها و الله حرام )
طبعا الكولاجين ب1300 و الصبغ ب 300 او350 حتى حسب طول الشعر
اي صالون راسليني
اي صالون ؟؟
شو الاحسن من تجربتج الكولاجين او البوتكس ؟؟؟؟؟
مشكورة اختي
فديتج شو الفرق بين الكولاجين والبوتكس وباى صالون سويتى
انا سويته وصدق روعه ومفيد للشعر المصبوغ
نعيما بينكوووو
شو الفرق اختي واذا كنت ابغي اصبع بشو تنصحني عقب الضبع كولاجين والا كيراتين والا بوتكس
اسمحوا لي حبيباتي و الله يالسه أجهز للسفر فديتكم انا
شوفو أنا من البداية كانت الي في صالون واضحة وياي قالت لي راح اشوف شعرج بعد شهرين او ثلاث
اذا يحتاج بوتكس و الا لا ،،،،
و الحمد لله ما احتاج بوتكس لان شعري تم مثل ما هو بس لأني صبغت قالت راح احتاج بس لل كولاجين
عسب أن شعري ما يتضرر مرة ثانية من الصبغ ،،،
حبيباتي أنا سويت شعري في صالون ( Egoist ) في بوظبي ،،،عند منى المغربية صدق تهتم بالوحدة ما هي بدعاية و لا شى و ربي الشاهد علي
بس بوضح لكم نقطة مهمة سواءا سويتوا بوتكس كيراتين كولاجين فعليج الالتزام التام بالشامبو و البلسم و السيروم و الماسك عسب تستفيدون من العلاج لأطول فترة ممكنة
و اي سوال انا حاضرة حبيباتي