شحالكن كروشات وشحال البيبيات
بسألكن حد فيكن حملت وقالو فيها التهاب في البول ؟؟؟؟
بصراحه من فتره احس بألم فضيييييع اسفل البطن يعني صوب المثانه .. كل ما ايلس فتره وانش موووول ماروم امشي ………. امشي وانا موخيه جني عيوز … او اذا مشيت فتره طويله احس ابويع في العضلات (( الله يعزكم تحت المثانه )) يوم سويت الفحوصات قالولي التهاب في البول وعطوني مضاد حيوي ولازم اشرب ماي وايد (( هني العوق ماحب الماااااي 
)) .. المهم هاي المره الثانيه يقولون لي نفس الكلام يعطوني مضادات وماشي فايده ………….. الويع هو هو مايروح ..
اتمنى اذا حد فيكن مرت بهالمرحله تخبرني شو سوت وكيف تعالجت .. هل هالشي يأثر اثناء الولاده او لا ..؟
االله يعينج فديتج ماعندي خبره
الله يشافيج و يعافيج ان شاء الله
شوفي حبيبتي انا ما اشرب ماي الا بالنادر بس تعالي شوفي فيوم من الايم ياني ويع قلت خلاص هاي الموت و بديت اودع اليميع و شالوني طيران ع المستشفى الدكتور شك انها الدوده الزايده اخر شي قال ها كله لانج ما تشربين ماي لازم تشربين 2 لتر ماي
و من هذاك الوقت و انا احاول اشرب قد ما روم مع اني ما احب الماي
ومن يحب الماي هالفتره
بس عشان البيبي كل شي يهون غصبي عمرج عالماي
وترا مسافي منزله ماي بنكهة الليمون والفراوله والمشمش جربيه يمكن يعيبج…
اشربي ماي واااايد
وخلي غرشة الماي دوم معاج
وكل ماتخلص عبيها
وان شاالله مايصير الا الخير
اي شهر الحين انتي حبيببتي
السلام عليكم
اختي استوالج التهاب بسبب نقص الماي انا استوالي في بداية حملي
مايفيد الدوا بروحه بدون ماي ،، لازم تشربينه عشان الدوا ياخذ مفعوله واتصحين
ماعليج شر ان شاء الله ،، اشربي ماي الفواكه اللي مع ليمون او فراوله المهم تشربين ماي
والله يعافيج
