السلام عليكم ورحمة الله وبركاته كيف الحال إن شاء الله دوم بخير ؟
اخواتي اريد ان استفسر عن موضوع التلقيح الصناعي في مستشفي دار الشفاء في ابوظبي في احد جربه ,وكم السعر..
وعندي سؤال ثاني شو رايكم في مستشفى الكندي التخصصي في دبي.
رزقني الله واياكم بالذرية الصالحة ان شاء الله .
الغالية الاسعار تختلف على حسب الحاله اظني ..
وليش ماتسيرين مركز راشد للاخصاب ؟؟؟
والله يرزقج ويرزق كل محرومه ان شاءالله ..
مشكوره على ردج واهتمامج بغيت اسألج تقصدين مركز دبي للاخصاب وعند اي دكتوره اعالج اهناك اترياج
انا سالت وقالت الدكتورة انه ب800 درهم التلقيح المجهري بس بعدني ما جربت
ليش ما تسوينه في مستشفى الكورنيش
انا سويته في الخاص والحكومي نفس الشي
وجربت مركز دبي للاخصاب بعد اوكيه
مرحبا خواتي…
اللي مجربة ممكن تشرح لنا شقايل التلقيح الصناعي ؟؟؟ لاني ماعندي فكرة عنه.
المشاركة الأصلية كتبت بواسطة banooota 
اللي مجربة ممكن تشرح لنا شقايل التلقيح الصناعي ؟؟؟ لاني ماعندي فكرة عنه.
الغاليه هو عباره عن خطوات
1 – تحفيز المبيض باعطاء ابر لانتاج اكبر قدر من البويضات
2- مراقبة البويضات حتى تصل للحجم المطلوب (تكون جاهزه للتلقيح )
3- اعطاء ابره مختلفه لاطلاق البويضات من المبيض
4 – اخذ عينه من الزوج (السائل المنوي )
5- اختيار اجودها واحسنها من ناحية الحركه ونواحي ثانيه
6 – ادخالها الي رحم المرأه عن طريق انبوب ضعيف
طبعا بدون الم ولا جراحه ولا تخدير
وتنتظر نص ساعه بدون ما تتحرك وبرجع البيت في نفس اليوم عادي وتمارس حياتها الطبيعيه
وبعد اسبوعين تشوف النتيجه