السلام عليكم ورحمه الله وبركاته
شحالكم بنات ..
مابا اطول عليكم بس ابا نصيحتكم وخبرتكم بهالموضوع 
انا عرست من كم شهر ويالي تكيس مائي على المبيض الأيسر من شهرين تقريبا ، والدكتورة عطتني موعد بعد الدورة وقالتلي ان الكيس بروحه بينزل بدون أدوية لأنه حجمه صغير.
ريلي يباني أحمل ، فبعد أيام التبويض لهالشهر أحس بنغز بمنطقه الرحم يعني وخز خفيف مابين فترة وفترة طول اليوم ، وألم بصدري وأبدا ما اتحمل أي شي يلمس صدري حتى بحالة وانا راقدة ع بطني يعورني وألم بآخر الظهر ةكثرة دخولي للحمام – وانتو بكرامة – وهالشي مب شرات قبل وبعد عندي افرازات وهالأشياء مستمرة وياي من كم يوم.
فهل ممكن أنه يكون حمل – ان شاء الله – وأنا وياي تكيس ؟
وأنا مابا اروح للعيادة إلا عقب الدورة أو إذا ماشرفت بكم اسبوع ان شاء الله ..
اتريا ردودكم خواتي 
الله يرزقج الذرية الصالحة يارب
ان شاء الله تكونين حامل
الله يرزقج بالذرية الصالحة و الحمل الثابت السليم
المشاركة الأصلية كتبت بواسطة Um Mahra24 
المشاركة الأصلية كتبت بواسطة وردة غلااا المشاركة الأصلية كتبت بواسطة احتاجك.. آمين يارب .. تسلمون حبيباتي ع ردودكم
ان شاء الله وحدة اتعرف عن هالموضوع اترد على اسئلتي واتطمني لو سمحتو
انا باقي على موعدي اسبوعين واحس وايد
بنات اليوم الصبح نزل وياي دم شوي وقطع بس بطني وظهري وصدري بعدي احس بعوارهم
ان شاء الله حامل
واحيانا الدم يكون بسبة التثبيت،، يعني مش دورة وعادي تستوي بس ما تكون غزيرة
كم باجي على دورتج؟
ان شاء الله ما تشوفينها 9 شهور
بالنسبة للتكيس ،، يستوي حمل مع التكيس،، بس الافضل بعد الولادة ما تتريين وايد عشان تحملين مرة ثانية لان التكيس يرجع ويكون اقوى عن قبل،، يعني ترتاحين بالكثير 6 شهور وترجعين تحملين
مع الاحتياط انج تراعين الوزن،، الوزن واااايد ياثر عالتكيس وبالتالي التكيس يأثر عالحمل،،،،
ان شاء فهمتي،، بالتوفيق
عاد بشرينا لو طلعتي حامل،،،،