التعليم المتأخر لا لن يفتني القطار أبدا

أهلين أختي ما شاء الله حلوو الطموح إلي عندج وأشجعج تواصلين ولا توقفين مهما صار
أنا بعدني عشرينية لكن بتكلم عن عمتي وهي حرمة عوده وعندها ما شاء الله عيال واايد يعني 10 وفيها السكر وتتعالج برا بس كل هذا ما وقفها عن اكمال تعليمها بالعكس هي كانت دارسه تربية اسرية تخيلي ! بعدها دشت التقنية وتعلمت على التكنولوجيا واستوت معلمة حاسوب وسمعت إنها كانت طالعه الأولى على الدفعه وهي تدرس بين بنات صغار …

وغيرها في حرمة موب مواطنه بس هي تعلم السواقه في وحده من المدارس وأنا يوم كنت أنتظر مدربتي عندها أشوفها قاعده تحل واجبات مال صف أول وهي عمرها كان بالثلاثين ويوم سألتها ليش ما تعلمتي من قبل تقول أبوها كان يقول التعليم موب للحرمة والحرمة لها بيتها وبس .. لكن بعد ما تزوجت ويابت عيال تغيرت نظرت أبوها لتعليم وهي قررت تكمل وهي ما شاء الله واااااااااااايد متحمسة لدراسة أكثر من البنات الصغار ..

انا اتزوجت ويبت طفلين و الحمدالله ها ما منعني اني اكمل دراستي ريلي شجعني و اهله و اهلي بعد و الحمدالله خلصت الثانويه و قبلوني في الكليه بتخصص بكلريوس انجليزي

ماشئ احسن عن الشهاده ع الاقل الوحده تضمن مستفبلها