خواتي حبيت افيدكم بتجربتي الكل بيعرف ان الثوم مع الزيت للشعر كثير حلو وبعبي الفراغات ويكثف الشعر لكن الكل يقول ثوم كيف تطلع رائحته من الشعر وخاصه اذا الوحده عندها زوج ولايهمكم عندي لكم الحل بعد ماتحطين منقوع الثوم المهروس مع زيت الزيتون على الشعر وتخليه لمدة اقل شي ساعه بعدها يوم تبين تغسلينه دخلي مع على الحمام كوب وبدخله كوفي مطحون يعني قهوه تركيه جافه بدون ماء بعد ماتغسلين شعرك بصابون الغار او صابون زيت الزيتون تخلطين القهوة التركيه مع الشامبو وتنظفين شعرك فيها وتكررين العمليه مرتين والله ثم والله جربتها مبارح ولا ظل بشعري اثر لرائحة الثوم وتعطر شعري برائحة القهوة التركيه ادعولي بالهنصيحه
المشاركة الأصلية كتبت بواسطة ام سلطانو 
يزاج الله خير اختي
مشكوووورة ع الافادة
يزاج الله خير الجزاء ..
انا جربت نسكافيه مع الشامبو …
نفس النتيجه تروح الريحه ..
وربي يعطيج العافيه
يوم سويت كورس مال علاج الشعر فالصالون الخبيرة إستخدمت حقي خلطة فيها ثوم وانواع زيوت ماعرف شو نوعها لكن الحلو فيها إنها يوم تنغسل خلاص ماشي أثر للريحة على قولتها إنه ثوم معالج فالصيدلية طبيعي لكن ما فيه ريحة
الحمدلله ماكنت مضطرة أستخدم القهوة أو النسكافيه لأني مااطيق لاطعمها ولا ريحتها
بس مشكورة حبيبتي عالنصيحة لأنها تفيد وايد بنات