السلام عليكم والرحمه
شخباركم عزيزاتي علومكم؟
وجان يقبلووووني جامعة الامارات (كلية القانون), وانا ألحين ابا احول كلية التقنية واتصلت ع التعليم العالي ومايردون وتوهقت وألحين شو اسوي؟؟
للعلم انا من العين ><
وعليكم السلام
اختي ليش تحولين الى تقنية
الجامعه احســــن ،،
اختي هم كانوا مخلين تاريخ محدد حق التحويل.. في موقع نابو https://ws2.mohesr.ae/student/Users/Default.aspx
انا اتذكر حولت حق اربيعتي
فترة التغيير في اختياراتك لمؤسسات التعليم العالي من تاريخ 02/05/ إلي 25/06/
انتهى شكله
ان شاء الله البنات يفيدونج
لكن للاسف الغالية انتهت فترة التغيير
القهر ان قسم القبول والتسجيل للتعليم العالي مايردون
وتسلمين ع التواجد
الغالية مثل ماقالتلج بنت دار الزين انتهى فترة التحويل
يعني الي فالكلية بيتم فالكلية .. الجامعة احسن وشهادتها اقوى ولله
انا كنت بدخل الكلية بس يوم عرفت انه شهادة الجامعة اقوى قلت بدخل جامعة ابوظبي احسلي
وياما بنات يبون يحولون من الكلية للجامعة .. خلييج فالجامعة
للرفع
انـآ كـنت في جـآمعه الامـارات .. وداومـت فيها اسبوعين تقريبـا
بس ما ارتحـت فيها وماقدرت اكمـل فيها .. فحوّلت حق كليه التقنية
اول شي استخرت ربي وسبحآآن الله تيسرت السالفه ،،خـلال يومين
بس انا داومـت فالكليه حآلي حآل اي طآلبه .. بس بصراحه كآن مخلص
وقت التحويـل و وحده من الأكـادمك سيرفس في الكليه سآعدتـني
يزآها الله خيـر .. > شـوفي ربــج يـوم يكتب لج خيره فالشي كيـف
سبحــــآن الله
انصـحج ختيه اول شي هـآتي ورقه وقلم وكتبي فيها اولويآتــج
فالدرآســه .. أي تخصص تبيـن .. وحطي اكثر من اختيـار ..
الأول .. الثــآني والثــالت احتياط .. بعديـن سـوي جدول مقآرنه
بين الجامعه والكليه من حيث الشهـآده + التخصصآت
بعــدين شـوفي انتي شو اللي ناسبج ؟ شو اللي يناسب طمـوحج
وهـل انتي بتعطين اكـثر في المجال العملي ( الكليه ) اكثر والا؟
للعلــم: كليــه التقنيــه منهجهـا عملــي اكثر عن ماهو نظــري
وهالشي بيسآآعــدج وآيد في وظيفتج المستقبليه وغير جيــه
بتتعلمين الانجليزي بسرعه ما شـآ الله .. فـوق هذا كـله الكليه
غيرت نظامهـا واستوا عندها نظام البكالوريوس عــلى طــول
شرآآت الجآمعه > هالشي وآيــد شجعني انقـل للكلــيه ..
يمكن تشوفيني اشجعـج ع الكليـه اكثر بس كـل شخـص و وجهة
نظـره .. انـا اعـرف نـآس طلبوهـم توظيـف حتى قبـل مايخـلص
كـورس التخـرج .. اولًا لان الكليه ادور لهـم وظـآيف وثانيـًا لآن
بعض الشركــآآت والموؤسسـات تطلب طآلبات وطلآب من التقنيه
وهالكـلام انا شآهـده عليه اعـرف كـذا بنـت جيه ..
وشــرآت ما قلت لج ختيـه اول شي استخيــري وشوفي وين ترتآحين
وشو اللي ينــآسبج ..
وبالتوفيـق ان شا الله
تسلمون ع المعلوماات
باجر بروح الكلية وبسأل ع التحويل