السلام عليكم حبيباتي
مب عارفه كيف احط رابط الموضوع الاولي بس باختصار الدكتوره قالت لازم قيصريه لان وزن الطفل ضعيف
المهم انا كنت خايفه وايد
ومش واثقه في كلامها لاني يوم سالت البنات كلهم قالو ما يخصه لان وزن الياهل بيزيد خلال اسابيع
قلت ماعليه خلوني اروح المراجعه الثانيه في القاسمي طلعت لي دكتوره ثانيه وتمت تردد نفس كلام الدكتوره الاوليه … قالت لازم لازم تاريخ19/2 تيين نولدج قيصري ما نبا تييج الام ولاده عشان ما يصير انفجار… قلت خيبه كل هاه لاني حملت عقب ما ربيت ب4 شهور يعني حالتي اول حاله في الوطن العربي ولا شو؟ 
وكنت معصبه على الاخر قالو ليش معصبه قلت مافي سبب مقنع اصلا للقيصريه اول شي يقولون وزن البيبي ومره يقولون لانج حملتي قبل لا تكملين سنه
واخر شي قالو لان فصيلة دمج ما تتحمل الطبيعي 
والله حسيت في عبط في الموضوع
سرت عند دكتورتي اللي في الخاص قالت اولا صعب نعرف اذا طبيعي او قيصري الا وقت الولاده يعني تييج الام شرات كل الحريم ونحاول اذا ما فاد او اذا صار شي يكون القيصري آآخر حل مش اول حل 
وتمت تضحك يوم قلت لها ان الدكتوره قالت بيصير انفجار اذا حاولتي تربين طبيعي قالت ليش كل هاه
وقلت خلاص بتوكل على الله يا بربي عند نفيسه في الزهرا او جي ام سي عند دكتورتي لان اثنينهن صدق طمنوني الحمدالله واخر العلاج الكي
وتاريخ ولادتي بين 1/3 او 5/3
والله يسهل على الكل ان شاء الله
ما ايخصه انج حملتي عقب اربع اشهور انا حملت عقب الأربعين وربيت طبيعيا لله اي سهل عليج يا رب
الله يسهل عليكي ياااارب
هههه ما يخصه الحمل بعد اربع شهور انا كنت جي و ما صار شي
والحين بعد حامل و البيبي عمره شهرين ونص والامور طيبة
خل عنج الوسواس واتوكلي على الله
ربي يقومج بالسلامة الله يعينا ع المستشفيات الحكوميه
الله يسهل عليج الغاليه واتقومين بسلامه انتي والبيبي
وما عليج من كلام الدكاتره انا قالولي بتربي بعمليه ومن ها السوالف وخوفوني والله حجم الجنين كبير وما بتقدري تربي طبيعي وخطر عليج انتي والبيبي بس الحمد الله ….الله يسرها وسهلها علي وولدت طبيعي اللهم لك الحمد
وانتي توكلي على الله والله يسرها معاج
الله يسهل عليج واتقومين بسلامه انتي والبيبي