إذا كان البوستر كبير 2 كفايه وإذا صغير 6 حبات تغسلينهم زين وتطبخينهم في ماء وملح
بقشرهم 20 دقيقه تقريبا
بصل ابيض وحده متوسطه ومقطعه قطع صغيره بسكين (لأ تبشرينها)
ملعقة أكل سمنه كيو بي أو أصيل (لأ تحطين زيت)
3 فصوص ثوم ناعمه
كريما سائله علبه متوسطه
جبنة كرافت الكرتون المستطيل الأزرق ( نستعمل نصه )
ملح حسب الرغبه
شويه فلفل أبيض ناعم ( لأ تحطين فلفل أسود )
الطريقه
1 – بعد ما تطبخين الأبوستر طلعيه من الماي وخليه يبرد شويه بعدين فتحيه من بطنه وطلعي
الحم اللي فيه كله وحاولي إنه مايتفتفت وايد والقطع لكبره قصيها بسكين لقطع متوسطه
2 – سخني المنه وحطي عليها البصل وقلبيه شويه لأ تخلين البصل يحمر وحطي عليه
الثوم وجلبه شويه وبعدين حطي عليه الأبوستر وقلبيه لين يمتص الأبوستر كل السمنه
ويصير لونه أصفر شويه
3 – صبي على الأبوستر علبة الكريما وخليها لين تفور ابشري الجبن وحطي ربعه على الكريمه
وخليه لين يغلض ويستوي ثقيل شويه ضبطي الملح والفلفل وحطيه في بايركس وحطي
عليه باقي الجبن ودخليه الفرن يتحمر شويه أو تنظفين ظهر الأبوستر وتدهنينه بزيت من
برع وتحطين الخلطه داخله وترشين الجبن عليه ودخلينه الفرن يتحمر شويه
:22 (29): :22 (29): :22 (29):
:22 (26): :22 (26):
يجزاك خير وش هو البوستر
ولونها رمادي مخضر شويه على حسب المكان اللي تعيش فيه ويوم
تفورينها فالماي يصير لونها برتقالي
اشكرك على التوضيح والسموحه انا موب اماراتيه علشان كذا ماعرفت
شكرا لك مرة اخرى
:22 (6): :22 (6):
يعطيج العافية على الطبق
بس تعالي انا اماراتية..بس ما نسمي ام الروبيان بوستر(او مره اسمع بهذا الاسم)
بسأل امي؟؟