سلام عليكم بنوتات وسيدات ..
.
.
امممم ما ادري يمكن سؤالي تافه بس ما اعرف شو جوابه صراحة
وناس يقولون لي جي وناس يقولون العكس ..
.
.
البنت اللي مالجة اوكي لو عرس اخو ريلها ولـ أخته ولـ ملجوا ..
يصير تحضر ولـ لا ؟!!!
وتكون عادي بعباتها وشيلتها وتعديل خفيف ..
ولـ تلبس فستان وتروح الصالون ؟!!!!
.
.
؟
انا اشوف انه عادي ما فيها شي
لو عزموها لازم تروح بس يعني تكشخ ع الخفيف
انا مره حضرت عرس وحده من الاهل وكانت يايه مرت اخو المعرس توها مالجه بس كانت لابسه
فستان وكاشخه وتمشي في العرس بس تبين الصراحه شكلها ما كان حلو يعني ما كان لها شخصيه
عاد انتي وكيفج
^.^ هايز
نحن عندنا عادي^.^ تروح الصالون وتكشخ وتلبس أحلى الفساتين وتتحنا وتسوي اللي خاطرها فيه، فيه حدود المعقول يعني ^.^ وعاد إنتي ومزاجج دهع ^^
انا اشوفها عاااادي…لو ما حظرتي…بيقولون هيه جعده وما تينا حتى ما فكرت تيي تبارك…ولو سرتي بعد بيرمسون..شو لابسه وشو حاطه…
لو عرسج وااايد قريب…تمي بعابتج وميك اب خفيف…لو باجي واايد على العرس..اكشخي على حسب الحفله اذا حفله صغيره…فستان خفيف ولا بدله راقيه….واذا حفله عوده يستحسن فستان ..وسوي تسريحه خفيفه..
وانتي وراحتج
مـااعتقد فيها شي 
على حسب العوائل نحن عندنا عيب
اساسا لازم تحضرين حبوبه …. لان الكل بعدين بيزعل عليج …وبتسوي شويه حساسيه بين الاهل .. لانج ما حضرتي ..وعادي بعدين ما ايوون عرسج .. لان بيقولون ما كلفت على عمرها ويت … لان انتي مب اول ولا اخر عروس بتعرس !
وعادي الغاليه اكشخي بس مب كشخه مبالغ فيها .. البسي فستان بسيط بس يكون فخم …وحطي ميكب حلوو بس مب مبالغ فيه … بعدين اختي حتى لو حطيتي ميكب وسويتي تسريحه ..معرووف ميكب العروس وتسريحتها غير حبوبه …
فعادي لو رحتي الصالون وحطيتي ميكب وسويتي تسريحه …
ولا تنسين ..انتي صرتي فرد من عايله ريلج حاليا .. فشيء طبيعي بيزعلون لو ما يتي على فكره …وحتى ريلج بيزعل منج..لانه هاي اخته وهذا اخوه بعد … وانتي لازم تادين الواجب
هالاشياء الي الحاصله الحين … فنصيحتي لج روحي .. الناس مب هيه الاوليه
والسموحه