خواتي انصحوني هالخدامه كل يووووم تنرفزني وهالشي يأثر على صحتي والله
اول شي تلعب باغراض البيت لعب ب اكل البيت بالتحديد
اول شي انا ساكنه وَيَا أهل ريلي
وللاسف ماعندي مطبخ بروحي
ف يبت ثلاجه خاصه فيني وكل 3 ايام اعبيها من خضار وفواكه الخ
المهم يا خواتي لاحظت ان الراشن يقللل انا طبيعتي اكل شويييي وما أحب اكثر .. ونفس الشي زوجي لانه مسوي تخفيف اكل ادري عيب الواحد يتكلم على الاكل بس الاكل صار ينقص بطريقه غريبه
مثلا خذنا قبل يومين بالضبط صدور دجاج فريش تم عندنا بس يومين
مع انه بالعاده يتم اكثر
الجبن يخلص مع اني ما اكل وأيد ووووااايد استغرب
الخبز
زيت عافيه يتم 5 ايام الحجم الكبير
العيش نوعيه صنوايت يخلص ب أسبوعين مع اني مش دائماً اكل عيش ويوم تسويلي كوب صغير
الحليب هذا شي عجيب مدري وين يروح
وااااايد اشيا والله
وفوق ها كله ما تقوم بالوقت المحدد كله تقوم متأخر مع انها بعد العشر موووول ما اخليها تسوي شي لان وقت نومها وكذااااااابه واااايد وعادي تحلف كذب
يعني هالبشكاره ما ادري شو فيها ريلي اييب هالاشيا عشاني لانه يعرف اني مش متعودة على أكلهم وهي معودينها أهل ريلي وريلي انها تاكل من الاكل اللي تسويه الطباخه لان ماشاء الله يكفي عشرين شخص
بس عينها ما اطيح الا على ثلاجتي
حتى العيش تقول انا ما أحب عيش بسمتي مال ماما كبير أبا عيش مالك
وتسير تطلع ديايه كامله وتتبلها وتقليها والمشكله ان توها متغديه وَيَا البشاكير ويوم اسألها تغديتي تقول هي
ولاحظت انها تلعب لعب بالذات في الزيت أمس قالت خلص الزيت سكتت
قلت لها انزين سوي بوبكورن من زيت مال ماما كبير
سوت بوبكورن غير غير عن اللي تسويه لي من الزيت مالي
كان بدون زيت وخفيف ونا لما تسويلي من الزيت مالي تترسه زيت
وتستغبى عليه بشكل فظيييييييييع يا تييب الغدا بدون ملاعق او بدون سلطه او تسوي آكلات بدون مانطلبها انا وريلي
اليوم قلتلها سوي عيش شوي بس كوب صغير مع باميه خاليه وسوي دياي صدور قطعتين وسلطه
قامت سوت باميه وَيَا لحم وحطت برياني وحطت يمكن 8 شرائح دياي افففففف حتى ريلي قال ليش هاللعب لانه مسوي دايت و نحنا شخصين بس
اما عن الداوني الحجم الكبير ف هذا يتم أسبوعين بالضبط تخيلو هذا ونحنا شخصين
والله والله اني أعاملها أحسن معامله اول ما يت يبت لها أغراضها من الألف للياء
واشتريت لها 7 ينفورمات
وطلبت ملابس دخليه
والاندومي تميت شهرين أخذ لها من عندي
تتشرط تبي نسكافيه
والاتصالات لاهلها بالأسبوع مرتين
وتحويل وسترن على حسابنا
كل ها من عندي
والراتب مايتأخر لو يوم
ومرات تطلب ان اعطيها الراتب قبل وما اقصر
بس بالفترة الاخيره قامت تستغل هالطيبه ف قلت لها تبين تتصلين بلاد إنتي اشتري بطايق والتحويل بينقطع من المبلغ … إندومي لو تبين او نسكفيه من فلوسك انا عليه اعطيك الراتب وبس
سويت ها كله بس عشان تتأدب لانها تستغل طيبتي
بس ليش هي تسوي جيه
ليش تلعب بالنعمه لعب
وتتعمد تنرفزني
انا تعبت منها خلاص شورو عليه يا بنات
لا تخلينها تفتح ثلاجتج
الاغراض انتي طلعيلها اياهم
واذا كررت الحركه خصمي من راتبها
قوليلها الزيت يتم هالكثر
خلص قبل وقته بخصم من راتبج
ووقفي راتب شهرين
قوليلها تبين تسافرين
سافري من راتبج
عندي تعليق بخصوص الاكل فقط
يعني هي بني ادم شو فيها لو اكلت من اللي بالثلاجه ..
بالعكس بميزان حسناتج ، ولاخرتج و تحميج من المصايب ترا
برايي عيدي النظر بهالشي .. وبالعكس عطيها بعد دام الخير موجود
لكن بخصوص تصرفاتها الباقيه كلميها بويه جاد بالذات مثل ماقلتي بعضهن يستغلون طيبه الشخص .
انتي وايد مسويه لها سالفه هاي مثل شغالتي وكنت اسكت عنها وقامت تتمادى احس من كلامج تبا تقهرج انتي لا تستكتين لها عن تصرفاتها الغلط وترى الطيبه ما تنفع مع كل الناس
حبيبتي ميار
أغراضي اللي بالثلاجه اورغانك لان مسويين حميه
أسعارهم تكون غاليه و الثلاجة الثانية مترووسه أغراض ترا تقدر تطب وتتخير
انا بسفرها لانها واااااايد تنرفزني
الحين تقولي خلص العيش هههههههه
والله والله يبته تاريخ ٢٨ ١٢ ٢٠١٤
يعني تم عشر ايام الحجم اللي قبل الحجم الكبير
تخيلوو
والله والله تبا تقهرني ونا من النوع اللي قلبي يتم يدق والله اخاف يوقف منها
حتى الحين قلت لها الساعه ١٠ هاتي العشا بحكم ان زوجي بيرد هالوقت
قامت وحطت الاكل الحين الساعه ٦ ونص ههههه تخيلو بس بدون نفس وكله غلط
اخخخخ بس تعبت تعبت تعبتتتتت
حتى مافي شي يغطي على شي قبل كنت أقول تنظيفها يشفع
الحين تستغل اني كله طايحه ومريضه عالفتره وتسوي تنظيف بو ٥ دقايق
تعالو شوفو صالتي تفاجأت شفت غبار تحت الكتب
مع اني يوم اشرف عليها تسوي روحها ماشي انظف عنها وشوي وتلمع الجدران
حبيبتي واايد جي انتي ع راسها اتنظف جنه ما في احسن عنها
انا اجوف انتي طلعي لها الاكل والكميه اللي تبين وخليها اتسويلج
وواشرفي عليها لا اتخلين اتسوي اللي تباتراهم يسرحون ويمرحون
ولو رحتي المطبخ وجفتي الزيت وايد قوليلها ليش هالكثر ولو خلص مره ثانيه قوليلها
هالمره ما بقولج شيء بس المره اليايه لازم يتم هالكثر عاد لو يومين اقل عادي بس مثلا ف يومين
خلصته قوليلها خصم من راتبج عاد اول مره تهديد ولا تخصمين صدق بس عشان اتخاف
و خدامتنا مره ما نظفت تكرمين الحمام عدل ما قلت لها شيء قلت تعاي ومسحت بايدي وراويتها ايدي
قلت ها نظيف قلت غسلي مره ثانيه ولو المره اليايه ما كان نظيف بعد بتردين اتنظفينه عشان جي
نظفي عدل من اول مره عشان ما اتمين اتنظفين نفس المكان عشر مرات واسطلبت الحمدالله