شحالكن خواتي … بدخل في الموضوع بسرعه مابطول عليكن..
انا مدخله بنتي مدرسة الامارات الوطنيه الكي جي 2 اول مره مادخلتها قبل الكي جي 1… ماطاعو لأن المقاعد فللل وهي عمرها4 لازم تكون كي جي2 وقالولي عادي مابيضيع عليها شي كله اعاده حق كي جي1….
واحس بنتي مب ملحقه مع العيال مع ان وااايد من اللي معاها في الصف اول مره نفسها والابلات يقولن عااادي بالعكس هي شطوره….
المهم انا الحين بديت اسمع من وايد بنات انهم يذمون المدرسه .. فأصحوني شو اسوي؟؟؟
انقلها مدرسه ثانيه وادخلها كي جي 1 بس المشكله بعد كل المدارس يقولن فللللل؟؟؟
انا يوم ادرسها في البيت احس ان واايد ضغط عليها صعب يعني اول مره تدرس هالحرف ولازم تعرف كيف تكتبه بكل صوره والمدود وفي اول الكلمه ووسطها وفي اخر الكلمه وتكتبه في كلمه مثلا حرف الالف لازم تكتب اسد ..كيف تكتب اسد وهي ماتعرف السين والدال؟؟؟ قالت لي الابله عادي بس المهم ترسم الكلمه ؟؟؟ انتو عيالكم يدرسون بالطريقه هاي؟؟
لا اله الا الله
انا ولدي في الكي جي 2 فرع بوظبي بس العربي مب دسم نفس بنتج هذا معناته المدرسة مختارة طريقت التدريس
يدرس حرف حرف مايدرسونهم كلمات ابدا
عيل ليش نحن عدنا في العين جذيييه؟؟؟؟ معقول في فرق في سياسة التدريس مع انها وحده؟؟؟
لا طلعينها كل المدارس فيها الزين والشين
الله يعين صدق هالكلمات صعبه عليهم
وانا ولديه ما طاع يكتبها
اااااااه …….. شكرا فديتكن عالردود بس والله مادري شو اسوي صعب واااااايد