السلام عليكم ورحمة الله وبركاته
شحالكم خواتي
ولدي عمره سنه ونص وللحين ياكل الاكل المطحون طفرت منه
شهر كامل وانا احاول فيه ونزل عنده الحديد…الخ
قمت احط له الاكل ف صحن و اخليه اروحه ياكل فقام يجبه و خلاف يدهن فيه كذا مره
ومرات ارقده بدون غدا ع اساس بينش العصر يوعان بس عادي ما تفرق عنده يعاند ولا ياكل وايوعه للعشا وبالمثل
و بعدين قمت ااكل عيالي خويه واخليه يالسه امبينهن يكل لقمتين و خلاف ينش ما يبغي يكمل
وهو هب وايد ويا الحليب يعني بس وقت النوم بس رضاعه
بس العيش والروب بياكل عادي لو انه العيش هب مطحون بس لو طعم انه فيه دياي يفلح اللقمه
قلت ولديه هب طبيعي وديته المستشفى قالت وللدج مزاجي ويوم يبغي ياكل بياكل
طفربي و الله
وولدي الثاني عمره 8 شهور لا يحبي ولا يقعد ولا حتى طلع ضروس بس ما شاء الله عليه يوم احطه ف اليلاسه يتحرك بسرعه ومتى ابدا اعطيه الاكل العادي ما اريده شرات اخوه
بس الحمدالله انهم بصحه وعافيه ساعدني خواتي كل حد يجوف عيالي اوووه ولدج للحين ياكل مطحون ولا اهووه هذا للحين ما يحبي ولا يقعد احس يوم يرمسون جي انه عيالي فيهم شي
السلام عليكم
أختي عادي في حد من الاطفال انتقائين وايد في الاكل عندي بنتين ربي يحفظهم وحدة ثلاث سنين اكثر شي تحبه العيش والروب أو المعكرونة مع الجبن خلي الولد على راحته اشتري له فيتامينات للاطفال اذا خايفة عليه واعطيه بيكبر وبيبدا ياكل بروحه لا تضغطين عليه عشان ما يكره الاكل وخففي من الحلويات والبسكوت وعطيه فواكه…ما عليه شر اختي.
بالنسبة لبنتج الثانية دام انها تتحرك لما اتحطينها في العربانة وتوقف على الكراسي يعني اريولها سليمة، تبينها تتحرك حطيها في مكان واسع …حد من اعيال خواتي ما حبى على طول مشي على عمر سنة وثلاث اشهور… بناتي كله حبن قريب السنة ومشن بعد ما كملن سنة
فديتهم حبايبي الله يحفظهم مافيهم الا العافية.
مشكوات ع الرد
بس اتوقعت تساعدوني
وعليكم السلام ورحمة الله وبركاته..
حبيبتي عيالج ما شاء الله طبيعيين ومافيهم الا الخير..
بس الناس جي دوم تحب تنقد ما عندهم شغله.. 
عن ولدج الكبير .. دام يحب العيش والروب عطيه فديته.. فبيتنا بنات اخويه فالمدرسه وللحين ما يتقبلون ياكلون اللحم (طالعين نفس امهم مستحيل تاكل لحم)
وعن الدياي يمكن لأن يكون متبل بزياده.. جربي تفوحينه مع مكعب ماجي وملح وتقطعينه صغار وتعطينه ويا العيش والروب (يمكن هو من النوع اللي اذا يشوف لون او اييه طعم قوي فالأكل يتقزز)
جربي بعد تغيرين له مكان الأكل.. يعني ايلسي وياه بالحوش وخليه يلتهي بالعصافير وانتي سولفي وياه واكليه بنص السوالف ومثلا اشتري له سيكل والا سياره وقولي له يلا ناكل بسرعه عشان نلعب ومن هالكلام..
واذا كل شي ما ضبط خليه على راحته على قولة فتات وان شاء الله بيكبر وبياكل فديته..
اما ولدج الصغير.. فعادي نحن بعد شي من عيالنا يتأخرون ويمشون على طول.. الحين عندنا بيبي عمره 9 شهور او 10 وللحين بس يزحف حتى ما ييلس ولا طلعت له ضروس.. بس امه تعطيه خضار مسلوقه اللينه مثل الكوسا تقطعها صغار وتفورها وتعطيه بدون ما تهرسها وعادي يروم يبلعها.. والعيش مع الروب بعد تعطيه بدون ما تهرسه.. اما الأكل العادي نفسنا والله ما عندي فكره متى ممكن تبدين معاه..
اهم شي ان عيالج فديتهم بصحه وعافيه.. وخلي عنج كلام الناس تراهم فاضيين
الله يحفظهم
حبيبتي العقاب مب في هالسن اصلا
و انج تعاقبين الياهل النه مابياكل و بييوع عقب و بياكل ترى عند الياهل بهالعمر اللعب اهم من الاكل و الحليب
مسآلة الاكل المطحون و الياهل عادية لانه للحين مابيتقبل الاكل بسرعة اصبري عليه
اهرسيله نص الاكل و الاكل الباقي خليه مثل ماهو و ادمجيهم مع بعض بيعرف من نفسه ان المطحون هو نفسه الاكل الكامل والله يهديلج اياه