الاشياء اللي تساعد على ادرار الحليب

مرحبا بنات شحالكن … بنات بخبركم سالفة مرت اخوي حليلها صارلها مربية 3 ايام والحليب اللي فيها وايد شوية يعني فديته الياهل مايشبع وصدرها مول مب وارم يعني تحسيبه فاضي وصغير فياليت اللي عندها فكرة عن الاشياء اللي ممكن تاكلها او تسويها عشان الحليب يزيد تخبرني وجزاها الجنة ان شاء الله

اختي هذا شي طبيعي .. توها مربية .. واول 3 ايام ما يكون في الصدر غير اللبا ..
وهو يكفي الطفل ..
لكن خل تخلي الياهل يرضع .. لأنه الياهل يوم يمص يحفز الصدر إنه يزيد فيه الحليب ..
كل ما زادت رضعات الياهل .. كل ما زاد الحليب ،،

والاشياء اللي تزيد الحليب هيه الرهش .. والسمج .. خل تاكل سمج مشوي .. وتزيد السوائل ..
تشرب حليب وعصاير طازجة .. وماي ..

للرفع

مشكورات خواتي عالرد ان شاء الله باقي البنات يفيدونا

المشاركة الأصلية كتبت بواسطة noorae

اختي هذا شي طبيعي .. توها مربية .. واول 3 ايام ما يكون في الصدر غير اللبا ..
وهو يكفي الطفل ..
لكن خل تخلي الياهل يرضع .. لأنه الياهل يوم يمص يحفز الصدر إنه يزيد فيه الحليب ..
كل ما زادت رضعات الياهل .. كل ما زاد الحليب ،،

والاشياء اللي تزيد الحليب هيه الرهش .. والسمج .. خل تاكل سمج مشوي .. وتزيد السوائل ..
تشرب حليب وعصاير طازجة .. وماي ..

انا اكرر كلام الاخت لأنه انا يوم ربيت تميت 10 ايام حليبي قليل بس اخلي بنتي ترضع وايد وعقب اعطيها حليب صناعي ابتاميل 1 ومع الايام زاد حليبي ماشالله وقللت كمية الصناعي الحين اعطيها مره او مرتين بالكثير فاليوم…

أما عن مدرات الحليب.. اهم شي السمج والتمر .. واذا تعاني من مشكلة الوزن لا تزيد من الرهش هو يدر الحليب بس يمتن.. والمكسرات وااايد زينه خصوصا البيذام .. والسوائل بشكل عام تساعد على ادرار الحليب.. سوولها حليب طازج ساخن و فيه زعفران وخله حذالها وهي ترضع بتعطش تشرب منه وتشرب ماي..

عليها بالحلبه والحليب الطازج
والعصاير
والسمج المشوي

كل ما الياهل رضع ومص من صدر امه كل ما حفز على ادرار الحليب