بنات اليوم وحده عندي في المسنجر
مطرشتلي * لاتقولون كلمة ( برب ) * لانه ف القرآن شي آيه ( برب العالمين )
بنات شو هالاشياء الي ينشرونها ؟
الي تقوله ابدا مب عدل
احنا نقول برب brb BE RIGHT BACK
احنا مانقصد جي
والله مرات يمصخونها و يظهرون كلام مادري من وين
اونهم يعني ناس ملتزمين و مايرضون على دينهم
و هم طايحين في المسنجر كل يوم وحده تقول دورولي بويه و دورولي مادري شوه و حب و خرابيط بين بنات
يعني الحين مهتمين بالاشاعة مالت كلمة برب
و مب مهتمه انج ترضين ربج و تودرين هالسوالف
ولا هاك اليوم أذن .. جان اقول حق بنات المسنجر يلا نشو صلن .. ولا جنكن تسمعن الآذان
جان تدخل علي وحده وتقولي سكتي سكتي محد بيسمعج
بس فاضييين ينشرون الاشاعات الي مالها معنى و الناس كل شي تصدق
اتمنى انكم تفهمون الي اقصده
الله يهدينا
ويهديهم
ويهدي الجميع يارب
بس كآن خاطري اطلع الي فخاطري
هاذيلا ناس اونهم يسوون عمارهم يعرفون في الدين ويطلعون فتاوي على كيفهم ….. وهم في الاساس ما يعرفون شو يعني دين ولا يعرفون شو يعني اسلام طنشيهم ويوم تقولج جي مره ثانيه اضحكي عليها وقوليله الله يعطيج العقل هاهاهاهاه
انا دوم اقول لحظة برجع
الله يهدي الجميع
الله يعين ويهدي اليميع
اختي الغالية ,, الي يفيدج من الناس خذيه ,, والي بيضرج اتركيـــه ,, وادعيلهم ربي يهديهم ,, على الاقل تكسبين فيهم أجر
واعذريهم اختي مب كل الي يتكلمن عن الدين يسوون اشياء غلط ! ,, يمكن هم صدق صدوقات وانتبهن ان في شبه بين الكلمتين وحذروكم ,, مافيها شي
صح ان النصيحة لها اسلوب ,, لكن مب كل الناس فاهمـة وعارفـة ,, خلج انتي العاقلة ولا تزعليـــن ,, ولا تصدقين اي شي ينقال لين تتأكدين ,, الحمدلله في الدولة في لجنة الافتاء وتقدرين تستفتينهم اي وقت 
(يايها اللذين امنوا اذا جائكم فاسق بنباء فتبينوا ان تصيبوا قوما بجهاله فتصبحوا على ما فعلتم نادمين )
أنا ما أقول ان الخوات فاسقــات لا ! ,, بس الي أقصده من كلامي ان الوحدة ماتتعايز على السؤال واذا حصلت الرد الشافي ترجع للأخت الي نصحتها وتصحح لها معلوماتها بحسن نية
وربي يهدينـا أجمعين