السلام عليكم و رحمة و بركاته …
حبيباتي انا عندي مشكلة الاجهاض المتكرر مب عارفة شو اسوي…كل ما احمل ما يتم اله اربع اسابيع و لا خمس و ارد اجهض
يعني في 11/11/ اجهضت و اضطروا انه يسوولي تنظيف و تميت استمر بالحبوب الفلوك اسيد و شهر يناير 2024 خذيت عشبة المدينة سمعت عنه زين و ينظف الرحم فخذيته شهرين و عقب و قفت و حسيت انه خربطتلي الدورة و تمت اتيلي فالشهر مرتين يعني 16-2- و عقب تاريخ 02-03- . تاريخ 26/03/ سويت تحليل دم طلع اني حامل و الهرمون كان178 و سويت تحليل هرمون تارخ 31-03- نزل 90 يعني اجهاض و نزل دم عليه تاريخ 07/04/ و الحمد الله
و مب عارفة شو اسوي و شو اخذ من حبوب خلاص تعبت من الاجهاض افيدوني الله يخليكم و انا خايفه على عمري
عسى ربي يعوض عليج ويصبرج احتسبي الاجر
اختي حاسه فيج لان مريت فالاجهاض المبكر اكثر من مره بدون سبب
المهم عليج تسوين فحص الجينات الوراثيه اسمه karyotype
اذا انتي من بوظبي ترومين تسوينه فالعياده النسائيه في عيادة الروضه وريلج يقدر يسويه عقب مايشوف دكتور مسالك بوليه في مستشفى خليفه
الفحص الثاني سوي تحليل الاجسام المضاده وتخثر الدم وتحليل MTHFR
وغالبا العلاج يكون بجرعات من كورتيزون وابر تسييل الدم كلاكسان وجرعات محلول انترالبيد
عشان الجسم مايعامل الجنين على انه جسك غريب ويحاربه
الله يرزقنا الذريه الطيبه قرة عين
مساء النور حبيباتي
والله هالموضوع يعور قلبي
انا بعد نفس الشي اجهضت ثلاث مرات في نفس السمة والحمد لله على كل حال
والمشكلة الحين كل ماتتاخر الدورة وعقب تنزل ولما تزل بغزارة مع الام ودم مكبد اقول اجهاض
صرت موسوسة من هالموضوع
الله يعينج حبيبتي ويعوضج ويعوضني خير يااااارب
ربي لا تذرني فردا وانت خير الوارثين
الله يعوضج خير حبيبتي
واختي نفسج من يصير لها شهر وكم يوم ، تجهض وبدون سبب
ومب عارفه شو تسوي
الله يصبركم ويعوضكم بتوأم
مشكورين ع الرد …
ان شاء الله يارب يعوضنا خير و يرزقنا الذرية الصالحة
سوي حجامه من السنه وبيثبت باذن الله
وانا نفس الشي صارلي والسبب تكيسات