حبيت اطرح هالموضوع حتى نستفيد من تجارب بعض كمتزوجات او بنات .. بصراحه هالموضوع يشغلني صار له فتره و احسه تحدي تواجهه كل ام وي عيالها لما يقربوون من سن السبع سنوات … و هو موضوووع:
ابغي اعرف من الامهات اللي عيالهم احينه فوق السبع سنوات و اللي مرن بهذي التجربه كيف علمو عيالهم الصلاه .. هل في البيت … و لا في المسجد.. و اذا كان في المسجد . هل كنتي تخلينه يسيير كل فرووض الصلاه .زعلما بان الطفل في هذا السن يكوون ملووول و ما يحب يسوي نفس الشي اكثر من مره خلال اليوم… و كيف حببتي له الصلاه …. يعني ابغي ولدي اول ما يسمع الاذان هو يقولي ماما احينه وقت الصلاه و جيه …
الله يخليكم يا بنات .. يا متزوجات ..يا امهات ..افيدوني في هالموضوع ؟؟؟
انا بعدني عيالي صغار بس يوم اصلي اخليهم يقلدوني عشان احببهم في الصلاه
موضوع رائع للنقاش أختي
الله يعطيج العافيه
أنا عندي بنوته عمرها سنتين ونص بس احاول أعودها من اللحينه عالصلاه
اذا ييت أصلي البسها شيله واخليها توقف عدالي وتسوي نفس مااسوي
والحمد لله تعودت حتى كل ماشافت حد يصلي تسير تصلي عداله سواء بشيله ولا بدونها
حتى مرات أحاول اجهر بصلاتي عشان تسمعني وتحاول تطبق صح
وربي يجعلها من المؤمنات الصالحات وجميع ابناء بنات المسلمين
المشاركة الأصلية كتبت بواسطة قرموشة 
الله يعطيج العافيه و الله يبارك لج فيهم و يخليهم مقيمين للصلاه يوم يكبروون بس ثابري على تعليمهم الصلاه
المشاركة الأصلية كتبت بواسطة العذبــــه الله يعطيج العافيه
أنا عندي بنوته عمرها سنتين ونص بس احاول أعودها من اللحينه عالصلاه
اذا ييت أصلي البسها شيله واخليها توقف عدالي وتسوي نفس مااسوي
والحمد لله تعودت حتى كل ماشافت حد يصلي تسير تصلي عداله سواء بشيله ولا بدونها
حتى مرات أحاول اجهر بصلاتي عشان تسمعني وتحاول تطبق صح
وربي يجعلها من المؤمنات الصالحات وجميع ابناء بنات المسلمين
مشكوره حبيبتي على المشاركه و التجربه النافعه اللي افدتينا فيها .. و ثابري وي بنتج رح تلقيناها هي اللي اتذكرج بالصلاه… انا بنتي شريت لها ملابس صلاة فله.. و مستانسه فيه و طوول اليوم تركع و تسجد فيها ههه.. بس ولدي لانه شويه يعاندني عمره الحينه 6 سنين ووقت صلاة العصر ما يبا يسير لانه يكون راد من المدرسه الساعه ثلاث وربع ووقت الكرتون ماله … يرفض يسير يصلي .. بس انا احاول اشجعه بالهدايا و احط له بيزات في حصالته … بس انا احااااااااااااول انه يحب الصلاه بدوون ما اتم اراكض وياه
بنات .. بعدنا محتاجين لخبراتكم الحياتيه في هالموضووع .. يا ليت تدلوون بدلوكم فيه