مرحبا…..انا بعدت هالفترة من هالقسم ورحت للاقسام الثانية عسب انسى الحمل….بس الناس ما نسوني….ياربي..الناس يسألون ليش ما حملتي للحين…اجاوبهم حرام عليج تو الناس مب مستعجله لاحقه عالتعب….يقولولن لي لا احسن لج تييبين عيالج بعدج صغيرة يكبرون وياج…اقولهم انا مب مانعه بس الله كريم …قالولي لا روحي عند الدكتورة…اقولهم ما أبا اروح….يقولون لي انتي ما فيج رحمة…شنو شعورج يوم تييج الدورة ما تحسين بقهر…..اقولهم لا عادي…(بس انا بداخلي احترق ما قدر اقولهم الحقيقه …هذولا الناس ما عندهم شعور…ليش هالاسئله….الوحده ما ترزق نفسها…الله يرزق الناس….انا تعبانه…..هالشهر هو الشهر 3 اللي باخذ فيه الكلوميد والابرة التفجيرية….بس انا ما نفع معي اول مرة ولا ثاني مرة….والثاله اكيد بتكون مثل اخواتها….شو اسوي شو اقول للناس…..يارب ارحمني يارب ارحمني يارب ارحمني
ماعليه حبيبتي لا تزعلين ولا تظايجين الله كريم …
وانا بعدني توني متزوجه من شهرين وما عندي خبره بهالسوالف …
بس أكثري من الاستغفار لانه الاستغفار يجلب الرزق واقري سورة البقرة كل يوم ما بتاخذ منج غير ساعه وحده .. لأني سمعت بقصة وحده صار لها 3 سنوات ما حملت بس بس كانت تقرا سورة البقرة تقريبا 3 شهور وعقبها حملت على طول …
تسلمين حبيبتي على ردج الحلو…..الحمد لله استغفر واقرا والفرج من االله قريب ان شاء الله
الله كريم الغالية..
الأرزاق بيد الله… في حريم ما فيهم شيء بس سبحان الله ما يحملون..
أهم شيء الصبر حبوبة.. و الدعاء.. والله كريم..
يمكن أخيرلج انج تحملين بعدين..
كثري من الدعاء و الاستغفار والله كريم
الغاليه ربج الرزاق
ولاتهتمين لكلام الناس واكثري من الاستغفار وربي بيرزقج الذريه الصالحه اللهم امين
المشاركة الأصلية كتبت بواسطة أم اليمامة 
ياقلبي عليج الله يرزقج انشالله الصبر مفتاح الفرج انشالله
ويمكن كل تاخيرة فيها خيرة وربج له حكمته ربي بيعوضج انشالله عمن كل هالتعب
عليج بكتاب الله ورسوله و صلاة النبي خليها رطبة على لسانج مع الاستغفار ان الله غفور رحيم
أنا استغرب من هالناس ياربي ليش كله يقولون للحرمة سيري كفي على عمرج
ليش مايقولون للريال وبعدين الحرمة شو ذنبها
ياخي ارحموا من في الارض يرحمكم من في السماء
اذا اناس ماعندهم قلب انتي بعد استوي شراتهم
اللي يقولج انتي مافيج رحمة)) قوليله انتوا ارحموني بالاول من كلامكم واسئلتكم
انتوا اللي مافيكم رحمة انا مثلكم بشر لي قلب وشعور
يختي لا تعبين نفسيتج والله خاطري اضمج واخفف عنج لاني حاسة فيج حالج من حال اختي
كلوها الناس بلسانهم مع ان العيب من ريلها ولا طايع يتعالج
الله يهدي لناس ويحميج من شر لسانهم يارب ويفرحج تشوفين ضناج بحضنج بس قولوا آمين
الله يرزقج حبيبتي و يرزقني و يرزق كل محرومه
و ماعليج من كلام الناس…
ماعندهم شعور,,,,اظني لو العوق فيهم جان عصبو لو حد سألهم!!!!
خلي ايمانج بربج كبير
و قولي الحمدلله على كل حال
و اكثري الاستغفار